منتديات شامل نت - عرض المشاركة وحيدة

مرحبا اخوي الشقراوي

انا اقول
مثل ما قال اخوي المحارب .. هو الحقد على الغير بسبب موقف معين ..

احنا في حياتنا اليوميه نشوف اشكال واللوان من هذا النوع .. ومنها يتعلق بالمصلحه ..

عندك مثال .. خلنا نقول واحد يعرفك .. والله شاف وراك مصلحه قال نتقرب ونصير حبايب فجاه ينقلب عليك ليه . لان اللي كان يترجاه منك ما راح يلقاه لما عرف طبعك وعرف طريقتك الخاصه في الحياة ..
امس كان يمدحك وكل الكلام الحلو يقوله فيك اليوم صار العكس كل الصفات الشينه يوصفك فيها .. ويزيدك بمواصفات انت ما تتوقعها

واذا شافك !! قلب الكلام وخلاك من احسن المخاليق .. وان اقفيت الله يستر ..

تقدر تقول ان بعض الناس من النوعيه هذي حياتها متعلقه بهالشي يعني عندهم هالشي عاده من عاداتهم اليوميه

وأكيد يعد مرض نفسي مثل ما قال اخوي المحارب

لان الشي هذا ما يصير قدام الشخص المراد وانما يكون من ورا ظهره ... ليه ؟؟

_ ضعف الايمان ,
والخوف من مواجهت الشخص لانه يعرف ان الكلام اللي يقوله غير صحيح ,
و لانه ما يقدر يكشف نواياه السيئه اللي كان وده يخدع فيه الشخص اللي يتكلم عنه ,
فتلقى كل انواع النفاق .. ويسمونها انتقام من الشخص المراد

لان الشخص نفسه مريض نفسياً وما له كلمه على نفسه

فتلقاه مثل المتشرد بين المدح والذم وتشويه صورة الغير

اشكرك اخوي على هذا الموضوع الجميل

وخصوصاً ان كل واحد منا يواجهها بحياته اليومية

والسموحه اذا غلطت بأي كلمة

نتعلم منكم :)

تحياتي الحنونه :)