|
|
|
|||
|
|
|
|
||
|
|||||||
| شامل السوالف وسعة الصدر للسوالف الرايقة والألغاز والنكت والصور المضحكة |
 |
|
|
LinkBack | أدوات الموضوع | تقييم الموضوع | أنماط العرض |
09-04-2002, 11:04 AM
|
#1 (permalink) | |||||||
|
شاملي راعي محل
|
حبيبتي نوره .. ( لا يفوتكم الموضوع ) خخخخخخخخخخخخخ
السلام عليكم وشلونكم , عساكم بخير ؟! الا على طاري السلام عليكم ترى جيرانا جاو من السفر .. عندي لكم كمٍ كلمه يا شعب سعة الصدر انزلو و شوفوها - - - <<--------- مهوب تارك المغازل هو و خشته اما الآن فمع موضوعي الجديد و صدقوني اني احبكم ( يوووه خلاص ذا متى بيكرهكم و يترك المنتدى ) .. " العمر : 11 " في ذلك اليوم المشرق و على فترة تسدحي بالسرير دخلت الشمس و اخترقت الدريشه و جات عند وجهي الين ما تصلخت و قمت متروٌع و على طول رحت للحمام اغسل وجهي و يومني شفت وجهي تذكرت صرصور منتوفه شنباته .. عقب ما غسلت وجهي و فرشت ضروسي اللي ما ينفع معها مكنسه عشان تنظف طلعت من الحمام و رحت عند امي و سلمت عليها على طول قالت بدون تردد : الله لا يسلمك !! .. قمت انا طلعت من البيت يعنني زعلان و قبل لا اطلع من الباب جاتني تفله تقول بازوكا من امي و جات بوجهي و صرت كني ظاطور بوجهه شامه اللي يشوفها يقول والله من زين الشكل مركب له خشمين !! .. جلست بالحاره مع خويي جحلط نلعب تيل الين ما حسينا بصوت تريله قريب من الحاره و شوي الا هالتريله داخله الحاره و شايله معها اغراض .. رحنا نشوف و نستطلع الامر و كل واحد وجهه تقول زيدي خرمان قات .. و شوي الا نازلين ثلاث هنود و يشيلون الاغراض و يدخلونها بيت جيرانا المهجور اللي كان يدخن فيه جحلط ( يقال لي ما كنت ادخن معه ) .. عاد انا رحت اساعدهم بشيل الاغراض يعنني قوي .. و يوم شلت الكرتون الثالث صار وجهي اصفر كنه شغاله مضربه عن الاكل .. و لا امداني اشيل الكرتون الرابع الا انا متمصع طايح مغشى علي و لا وعيت الا انا على سرير المستشفى و لقيت على يساري امي و على يميني مره مدري من هي .. قلت لامي بصوت خفيف : من ذي اللي جنبي .. قالت : هذي ام نوره اللي شلت اغراضهم و تمصعت !! .. قلت : اهااا ما عندها بنات كبري كذا ؟ .. صفقتني امي طراق و قالت : اهجد .. سمعت صوت باب ينفتح الا اثرها بنيٌه طالعه من الحمام اللي بغرفتي !! .. و جات البنت و عطتني نظره خطافيه ما خقيت معها ابد ( يا رجااال انت لو تشوفك عنز بتخق معها اجل وشلون بنت لا و حلوه بعد ) و جلست البنت جنب امها و انا منزل راسي و صاير كني قطوه داخل عليها قطو ليلة الدخله .. و الى الحين منظر البنت و هي تعطيني النظره الخطافيه موجود براسي ( والله من الزين هالراس عاد اللي يشوفه يقول وش ذا التلفزيون ميتين بوصه ) .. قمت من سريري و وقفت لكني ما قدرت امشي زين و قالت ام نوره لبنتها : قومي يا بنيتي ساعدي الولد .. انا تقلب وجهي يوم سمعتها تقول كذا مره يصيير اخضر و مره يصير احمر و مره بنفسجي ( مخلوق فضائي ذا ) .. مشتني البنت الين ما وصلت عند باب غرفتي و وقفت برى بسيب المستشفى .. جات البنت بتدخل قمت ناديتها : يا نوره .. وقفت البنت بمكانها و كانت ما تبي تشوفني لأنها منحرجه ( ايه افلقني منحرجه الا والله ما تبي تشوف هالكشره اللي كنها ظاطور حاكمين عليه اعدام ) .. ناديتها مره ثانيه و جاتني البنت و قالت : هلا .. قلت : وشلونس ؟ .. قالت : بخير والله .. قلت لها : كم عمرس ؟ .. قالت : احدعش .. قلت لها : يعني كبري .. قالت : انت احدعش بعد ؟ .. قلت : ايه والله احدعش .. قالت : العمر كله ان شاء الله .. قلت : على فكره ترى ابيس تختارين الغرفه اللي على اليسار و الا لا يكون اخترتي اللي على اليمين ؟ .. قالت : والله توني ما اخترت بس على امرك بختار الغرفه اللي على اليسار .. قلت لها : تسلمين والله بس ما قلتي وش رايس بوجهي ؟ .. ابتسمت البنت و انحاشت داخل الغرفه عند امها و انحرجت من الاجابه على سوالي ( اكيد بتنحرج يعني تبيها تقول لك وجهك كنه مقفى زبيريه برتقاليه ) .. عقب يومين بالمستشفى طلعت منه مشافى معافى و لله الحمد و المنٌه <<-------- سارقها من طلال مدحت ( الا من هو طلال مدحت ذا ؟ ) 0 .. رحت البيت و على طول رحت لغرفتي و فتحت الدريشه و قمت انادي : نوره .. نوره .. و شوي الا طلعت لي نوره من الدريشه و شهقت و قالت : عشان كذا تقول لي اختاري الغرفه اللي على اليمين .. قلت لها بكل قوه : ايه !! ( بصراحه وقتها كان وجهي كنه شارع توهم كابين عليه قار ) .. البنت سكتت انا حسيت وقتها انها ما تدانيني مع ان هالشي ماخذه من اول توقعاتي و هو انها ما تدانيني بس خلنا نجرب يمكن يوجد شخص يحبنا و يهطل على دموعنا <<----- !! .. قالت : اقول يا سكني بقول لك شي .. انا قلت خلااااااااص الحين بتقول لي اكرهك و قلت لها : سمي قولي .. قالت : أحبك .. قلت : اما عاد ؟  .. قالت : يووووووووه سكني عن الدلع .. قلت : انا احبٌس اكثر !! .. قامت البنت صكت دريشتها من زود الحرج .. و جلست بغرفتي بلحالي اوسوس " العمر : 17" الى الحين علاقتي مع نوره علاقة حب وطيده ( يمديك يا دعلج على هالكلمه الخطيره اللي مدري وش معناها ؟ ) .. كنت بالسطح اسولف مع نوره و اعطيها من ذاك الرخيص و وشلون سويت حركة الموت بالسياره و خليتها تنقلب و تعتدل !! .. قالت نوره : و ربي انك فنااان و عطتني بوسه من بعيد ذبت معها و صرت كني عسكريم صاقعته شمس .. قلت لنوره : ما ودٌس نسافر مع بعض !! .. قالت : الا و قسم ودي .. قلت لها : عندي الحل .. قالت : وش هو !! .. قلت لها : ما عليس انا ادبٌرها .. تذكرت الجني اللي طلع لنا من زماااااااان مع خويلد و عويس و يوم قال قولو طلباتكم و حنا ما طلبنا و انحشنا !! .. يعني لازم اشتري ببسي و اكسرها و يطلع لي جني !! .. و طلعت من البيت و على طول على الحاره مع عويس و خويلد و سكني ( مهوب انا ) .. كنا جالسين و اشكالنا رايحه بخرايط امها لو يحطونا بقفص داخل حديقة حيوان ابرك .. و كل من مر قام يقط علينا فلوس و قال الله يصبر حالكم !! .. قام عويس و قال : يا اعيال ما تحسون ان حنا شيون !! .. قلت : تكفى يالمزيون يا رجال ما خرب الشله الا انت و وجهك اللي تقول ركبة عبد الله الجمعان !! .. قلت : على شحم .. قال خويلد : طيب لا تتفل و انت تتكلم عليك ضروس اللهم يا كافي لو يحطونك عند ثلاجة البقاله و تفتح للزباين الببسي اصرف لك من هالسربته اللي عايش فيها !! .. قلت : عاد انت ياللي ضروسك صافين جنب بعض .. قال عويس : عز الله انك صادق يالسكني عليه ضروس تقول معالم جبل السروات كل ضرس خاش على الثاني و الضرس اللي تحت ناقز فوق و اللي على اليمين ناطل على اليسار ياخي رح سوريا عدل ضروسك والا شف لك صرفه !! .. هدى الوضع و الذب اللي ما له سنع و راح خويلد وشرى لنا ببسي و يوم خلصت من غرشتي قطيتها بقوه و قامت تتكسر و طلع منها دخاان احمر و من بينها طلع واحد وجهه تقول تكروني راضعته سوريه !! 0 .. تراجعنا حنا و قمطنا .. تثاوب الجني و قال : يلعن ام الحاااااااااله وش تبون يا هالسمرمد ؟ .. قلت : ابد ما نبى الا سلامتك بس ياخي انت من وين طلعت لنا .. قال الجني : كخخخخخخخخ طلعت من بطن امي بمستشفى التعليمي يعني وش رايك يا اللوح طلعت من هالغرشه اللي كسرتها انت و خشتك اللي تقول ضفدع صافقته امه كف و سكتنا و قال الجني :بس هاه ما نبي طلبات ما لأمها داعي ترى منيب سواق كنتاكي هههه الله يرجني رجه مبرحه !! .. قلنا كلنا بصوت واحد : نبي بنااااااات .. قال : قولو قسم تبون بنات ؟ انتم وجيه بنات ؟ اللي يسمعكم يقول الحين كل واحد فيهم وائل كفوري و رامي عياش و راغب علامه ترى اقرب ما لكم خنفسانه تبي تطلع بطاقة احوال يعني لو يجي معي عشرطعش مليون جني مهوب قادر تخليكم تشبكون بنت وحده .. قلت : الظاهر انك منتب اصلي شكلك تايواني بلاكم ما تشوفون عيونه اللي مدري وشلون جات الظاهر انه مطلعها بدريل من اول ما انولد !! .. قال الجني : لا يكثر .. قال خويلد : نبي وظيفه.. قال الجني : لا يا شيخ تبون وظيفه ؟ ما عاد الا هي تتوظفون انتم وجه وظيفه ؟ انتم حدكم يصرفون عليكم الحكومه معاش ارمله خخخخخخخخخ .. نقزت انا من مكاني و قلت للجني : ابيك بكلمة راس .. !! .. قال خويلد : انت ما تصلح لك الا كلمة ضروس وشلون تقول كلمة راس .. لفيت راسي عليه و عطيته نظره حقد و قلت : إلى عرق الاثله .. رحت مع الجني عند زاويه من الزوايا ( طيب ما حددت المنفرجه والا الحاده ؟ ) .. قلت للجني : شف يا جني قريح انا احب بنيٌه و ابيك تودينا انا معها لدوله من هالدول اهم شي انك تسفرنا .. قال الجني : كخخخخخخخخخخخ الله يلعن شكلك ! انت تحب ! عز الله انها بايعتها هاللي تحبك ! و بعدين وش اسفرك انت و وجهك شايفني الخطوط السعوديه البس نظاره يالحول لا يكون انت بس اللي حب الشنطه و شال ابوه .. قلت : انت قدها يا جني الغفله و قسم بالله لا اخليك تختفي .. قال : لالا تكفى .. قلت : لا مافيه يلا مع السلامه يا جني الغفله و قلت " بسم الله " و على طول اختفى و آخر كلام سمعته من الجني هو : مستحلي وجهك انت تقول ركبة واحد من جماعة افريقيا ( ما يبي يعقل ذا الجني حتى يوم اختفى ) .. و عقبها رحت لسطح بيتنا و قابلت نوره و علمتها بالسالفه و قامت تضحك ( وراك منقهر يا سير علينا يعني ما قد جربت الحب ؟ ) .. و عقبها قالت : ان شاء الله يجي يوم سفرتنا بشهر العسل .. و انا اللي تجيني حاله هستيريه و قمت اناظر نوره الين ما انحرجت و دخلت بيتهم ( يا كثر ما تنحرج هالبنيٌه ) .. " العمر : 20 " <== صار شايب تخرجت من الثانوي بنسبه عاليه و بتقدير منتاز .. و درت نوره و فرحت لي و قامت تبارك لي و طلعت بالحاره و قلت للبوفيه : يا عزيز سو للحاره كلها شاهي و كلٍ يدفع لنفسه تراني ما اكد على عميان (صعيدي) .. رحت لأمي و سلمت عليها و حبيت راسها ( افلقني ان كانه ما يبي شي ) .. قلت لأمي : الحين انا الحمد لله تخرجت من الثانوي بنسبه وش زينها و اكيد بروح ادرس برى السعوديه .. قالت امي : وين برى يعني بتدرس بجامعة منفوحه ؟ .. قلت : كخخخخخخخخخخخخخخ إلى المميزه يا خبله مع مرتبة الشرف و ربي خباااال الى المميزه بقوه .. قالت امي : اها بس نشبت لنا انت و الاقلاع ذا قل لي وين تبي تدرس انت و جبهتك ساحة تفحيط ( بالله ما تحسون بمعاناتي ) .. قلت : والله يا يمه انا الحين متردد وين ادرس يمكن الاردن والا عمريكا .. قالت امي : لااااع وش عمريكا انت و وجهك لا رحت هناك بيقولون انك خوي بن لادن .. قلت : خلاص ادرس بالاردن .. قالت : تمااااام .. قلت : يعني الحين انا ضامن مستقبلي صح ؟! .. قالت : ان شاء الله .. قلت : اجل يمه اخطبي لي .. قالت : والله هذي الساعة المباركه انت و وجهك حبتييييييين ( يقولون ان امي كانت زعيمة العرابجه بمدرسة منفوحه ) .. قلت : طيب من بتخطبين لي .. قالت : و من غير نوره بنت الجيران تحسبني مدري انك تقابلها بالسطح .. قلت : الا ادري ( بزعمه تصريفه ) .. و من اليوم الثاني راحت امي عند بيت الجيران تخطب لي و رجعت لي امي من بيت الجيران و قالت لي : طل من الدريشه انت و شنبك هاللي كنه الساعه احدعش و ربع !! .. رحت طليت و لقيت نوره مع واحد و راكبه السياره .. رجعت لأمي و قلت : وش السالفه .. قالت :- 7 7 7 7 7 7 7 7 7 7 7 7 7 7 7 7 7 7 7 7 7 7 7 والله يا ولدي البنيٌه طلعت سوريه و هذا ولد عمها اللي توه متخرج من امريكا خذها و بيروحون شهر العسل الحين.. منقوووووووووووووووووووول |
|||||||
|
    |
|
|
|
|
|
09-04-2002, 06:30 PM
|
#2 (permalink) | ||||||
|
شاملي ماحد قدة
|
ههههههههههههههههههههه...
السلام عليكم.. الله يرجك على هذا الموضوع مره اعجبني ....:) هههههههههههه ..... اتمنى اشوف مواضيع منك زي هذا بس يكون من ابداعك مو منقول .... ههههههه... 
__________________ |
||||||
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | تقييم هذا الموضوع |
|
|
مواضيع مشابهه
|
||||
| الموضوع | كاتب الموضوع | المنتدى | ردود | آخر مشاركة |
| كيف تحققين أهدافك الدعوية من خلال النشاط ؟ | mohashish | شـــامل دين ودنيا | 1 | 12-27-2005 01:21 AM |
 |
 |
| تصميم وبرمجة فريق لمسة فن | المستضيف الرسمي |
| منتديات | دليل مواقع | اقوى 100 موقع عربي | ازياء | شات | شات | دردشة |
| اصحاب كول | افلام | برامج كاملة | دردشة | صور | دليل توتو | منتديات حريم |
| اضف وصلتك | اضف وصلتك | اضف وصلتك | مركز تحميل | إدارات نت لـ تدريب عن بعد | دردشة | شات |
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63
 |
 |
النمط الخطي
