|
|
|
|||
|
|
|
|
||
|
|||||||
 |
 |
 |
| شامل السوالف وسعة الصدر للسوالف الرايقة والألغاز والنكت والصور المضحكة |
 |
|
|
LinkBack | أدوات الموضوع | تقييم الموضوع | أنماط العرض |
06-23-2003, 03:04 PM
|
#1 (permalink) | |||||||
|
شاملي نشيط
|
الزير سالم الداشر في الغربية
الحونشي داك الي شايف نفسو مره الي اسمو كليب.. خدو الروايه: كليب كان ماشي في برحه مره كبيره ومافي ناس ولا في احد جنبو والواد جساس بصراحه خلبوص شويه وجبان ... لأنو استغل وجود الحونشي كليب لوحدو... المهم عمنا كليب ماشي بامان الله وقاعد يشم شوية هوا وبعيد عن رجة البزوره والبيت ومشاكل عيال عمو وقلق الناس الي عندو... المهم جا الواد جساس وقالو: انت يا كليب طبعا كليب اداه اشكل مارد عليه ولا اداه وجه جساس: انت يا كليب رد ايشبك انا قاعد اهرجك ياهوو وداك مديه اشكل وربي ولا هو معبرو جساس: شوف ياكليب..انتا كسرة الماصوره حقتنا ولا خليتنا نشرب مويه ، لا نحنا ولا الغنمات حقتنا والجمال ... وكل هادا ونحنا ساكتين وقلنا عيب مو مشكله دا برضو ولد عمنا وابن لحمنا ودمنا... وكبير العيله ، لكن انك تفرد عدلاتك( عضلاتك )علي الجمل حقت خالتي البسبوسة وتقتلها كمان؟ ... لا حبيبي ... دا مو كلام رجال ... وأللي انتا سويتو غلط في غلط ... مو عشان سكتنا لك تحسبنا خايفين منك... نحنا احترمنا صلة القرابه بيننا وقلنا هذا( ابو رحم ) ومننا و فينا بس انتا بالمره خبصت دين ام الشغله. ومع كل دا الكلام والحونشي عمنا كليب مديلو اشكل بقوه ، ولا كانو في احد مره. جساس: صرخه بصوت عالي مره ... انت يا كلـــــــــــــــيب ياخي ردو عليا ايشبك؟ ... اتبكمت ولا ايش؟ ... انا عارف انو ما تطالع وراك الا ادا في بشكه اقل شي اربعين واحد. كليب طبعا رد وهو لاوي بوزو... ويعني انو قوي مره... وقال: لا ... يا بويا غلطان، أنا ما ارد إلا لمن تكون البشكه 50 رجال. ساعتها الواد جساس جسمو تكهرب شويه بس سوى فيها انو ولا همو وداك عمنا طنش وكمل مشيو مع الحصان حقو ... المهم الواد جساس طرطع وقفلت معاه وركبو 60 عفريت. وفي لحزة غضب الواد جساس طلع الرومح حقو... ورماه علي عمنا كليب وغرزو في ظهرو ... قام يتالم ويتبكبك الحونشي كليب وقاعد يصرخ بصوت وحش والله وعالي ... الواد جساس قال ياولد ما يبغالها اشرد وفكو نفسك لا يجي احد دحين ولا يجي الزير ويسوي لنا قلق ، وهاتك يا فكيك دق سلف بالحصان حقو ونمر لها.. اما عمنا كليب حالتو صارت حاله ، قام يزحف علي بطنو شويه لمن وقف علي اقدامو ويمشي والرومح معلق بظهرو ، لمن التقى بواحد بدوي حق غنم ... لمن شافو البدوي انفجع وقالو: مو انتا عمنا كليب ، ايشبك كدا؟ ... ايش صار فيك ياعمنا .. رد عمنا كليب على البدوي وقالو: روقنا ياخي ، مو وقتو ، ما تشوفني مغرق بالدم وانتا لسه تسال؟ .. .ياخي جيب لي شوية مويه ابغى اشرب ياواد. البدوي صاحبنا جبلو مويه وشربو . كليب: اسمع ياواد انا غدر بي الواد جساس واكلني الرومح حقو بظهري من ورى ... والي خلق امك لو انو كان من قدامي كان عرفت اتصرف معاه ... لكن هو رمه وجبان وخيخه وجايني من ورى لكن مو مشكله انا اعرف اجيب حقي... حتي وانا ميت وراي رجال ما تترك حقي يا بويا. وقال كليب للبدوي: حأ كتب لك وصيه تخليها حلقه بودنك وحأ كتبها علي الجدار دا بدمي ... ولازم اخوي سالم الداشر يقراها... وبعدين الله يخليك تسوي معايا معروف انك تقتلني بعد ما اغلق من القصيدة ... قبل ما يعفن ظهري وتصيبني الغرغرينة . قالو البدوي طيب. وبدى ابو الشباب يكتب الوصيه: وهي كالاتي: اول بيت يقول لاتنسى اليتاما وتخون العهد يادب ولا تنساه ثاني بيت يقول الله اكبر علي الظالم المفتري الغدار اصحك تسيبو او تسامحو ثالث بيت يقول جساس خمني وطالع على الجرح بظهري وتعرف رابع بيت يقول الزير اخويا اعرفو قوي وشديد يمرمط العدوين خامس بيت يقول يا سلومي يا ابو السلالم خليك رجال وبطلك حركات البزوره سادس بيت يقول فيه: شوف ياسالم لا تخلي ولا احد منهم لا شيخ ولا عجوز ولا حريم واقتلهم ، كل واحد ومرتو المهم فقع ابوهم كلهم. سابع بيت يقول فيه: لا تصالح اي واحد منهم وربي لو تصالح احد حأشتكيك ثامن بيت يقول فيه: لو ما سمعت كلامي دا ولا سويت الي وصيتك عليه نتقابل عند قاضي القضاه رب السموات والارض. المهم بعد الهرجه هذي صاحبنا البدوي راعي الغنمات كمل علي عمنا كليب حسب طلبو المهم الهرجه دحين وصلت لحارة كليب واهلو عرفو بالهرجه كلها وطبعا اخوانو سوا فيها كيف وما كيف ومن الكلام دا... ونحن نفعل ونحنا نسوي وحقنا مايروح لو علي شواربنا ومن الخرط هادا. راحو عند بيت عيال عمهم وتقابلو مع ابوهم يعني قلك يسون مفاوضة وهادا بدال هادا وما ادري ايش المهم مااتفقو وقالو خلينا نشوف الدب الداشر سالم ايش يقول. وبعدين صاحبنا سالم كان سكران مع وولد عمو همام (ابو رحم) يعني رحيمو ... تعرفون كانو داشرين حق شراب وبنات وكباين وشاليهات ومخلينها خل وطرشي المهم ارسلو واحد يقول لهم الهرجه وجا الرجال الي بيقولهم الهرجه ، وكان الدب الداشر(الزير) سكران مقربع مزبوط ومأجر السقف العلوي بالملحق كمان ... وطل همام وعرف الهرجه ، وفجئه طلع لهم الدب الداشر وقال ايشبكم ياهو ايش الهرجه قاعدين تتوسوسو علي ايش؟ ... احس انو في شي بس ما تبغو تتكلمو ...بنت يا ضباع ايش الهرجه؟ المهم العالم خافت وقامت تنفض من الخوف... سحبو همام وقالو ادخل جو ونتفاهم ... مسكو من صدرو قالو ياهو ايش الهرجه قلبت راسي وفكفكتها معاي وانت عارف انو مرووقين وشاربين . قالو همام شوف: لو قتلو اخوك كليب... ايش تسوي؟ قام ضحك الدب الداشر(الزير) الا شوي كشر بوجهو وقلب قاروره العرق وخلها تقطر شويه شويه...قالو شايف هدا العرق كيف يقطر؟ طالع همام مستغرب قالو لا تستغرب ياواد ... لو قتلو اخويه انا اخلي دم اخوي وكل قطره من دمو براس رجال من قبيلتهم ... وانتا شوف اخوي قد ايش عندو دم( بكاش) المهم. همام قال ياهو ما بدها خليني اديلو الهرجه والي يسير يسر: وقالو الهرجه .... والدب الداشر(الزير) سوا مناحه ديك الليله وهاتك يابكى وصراخ زي البزوره ..تعرف مع السكار والخبر الي مزفت .. نكب الدنيا ...المهم قاعد يقول اشعار وتهديد وتخاريف ومدري ايش من الكلام دا حق السكرانين..لمن طلع الصبح وصاحبنا نايم علي الدكه وحالتو حاله ... ولد اختو من جد نذل قال لابوه هيا نقتلو وهو سكران وفكنا من شرو ابوه طرطع قالو ايشبك انتا مجنون ؟ ياواد عيب دا خالك ... وسدحو بكلمتين وروق الولد. المهم صبح الصباح وكل واحد يبغة يسري عند اهلو عشان يشوفون ايش الهرجه وكيف راح يدور البوكس بينهم( يعني المعركه ) وقبل مايمشون ... سو فلم هندي الدب الداشر وقرينو همام ... قلك ماراح اقتلك وما ادري ايش وما ابغاك تكون خصمي يا همام ... وقلك همام يقول لا ياهو كيف هدول اهلي وبرضو مااعتقد اني بسكت ... ومن الخرابيط هادي. المهم كل واحد سرى عند اهلو...وقالو بيننا البرحه ونشوف مين يغلب. المهم بقية القصة تعرفوها. طبعا منقول مالي فيه قول __________________ ياكثر ماحبك وتدفعني لك اشواقي وياكثر ماموت فيك بزايد اشفوقي كاني لك الشمس افرح دوم بشروقي وكاني لك العمر جايك مني الباقي ابوريان6 
__________________ فقط الأعضاء المسجلين يمكنهم رؤية الروابط
قم بتسجيل الدخول اولا
[نشط
عضويتي]
- [طلب
كود التنشيط]
- [نسيت
كلمة السر] - [لأصحاب
ايميلات الهوتميل
] - [تسجيل
كعضو جديد] آخر تحرير بواسطة ابوريان6 : 06-23-2003 الساعة 03:08 PM. |
|||||||
|
|
|
|
|
|
06-23-2003, 03:46 PM
|
#2 (permalink) | |||||||
|
شاملي ماحد قدة
|
 احلى موضوع.. من احلــــــــــــــــــــى مكاوي.. خليتني اموووووووووووووت من الضحك.. انا متأكده.. انه كثير من الأعضاااااااء مافهموا اغلب الكلمااااات (( المصطلحااااااااات )) واللي عنده اي استفساااااار يسأل.. وسؤالي.. لأبو ريــــــــــان.. وش معنى مصطلح.. (( حونشي ))؟؟؟؟؟؟ هههههههههههههههههههههههههههههههههههههه ورطتك صح  يسلموووووووووووووووو ياولد مكـــــــه ..تحياتي.. جـــــــــــــــوري __________________ آخر تحرير بواسطة جـوري : 06-23-2003 الساعة 03:52 PM. |
|||||||
|
|
|
06-23-2003, 04:48 PM
|
#3 (permalink) | |||||||
|
شاملي ماحد قدة
|
ههههههههههههههههههههههههههه
مشكوووووووووور اخوي ابو ريان ... بطل بطل ... خذ نفس ووش معناه (( حنوشي )) ؟؟؟ __________________ فقط الأعضاء المسجلين يمكنهم رؤية الروابط
قم بتسجيل الدخول اولا
[نشط
عضويتي]
- [طلب
كود التنشيط]
- [نسيت
كلمة السر] - [لأصحاب
ايميلات الهوتميل
] - [تسجيل
كعضو جديد] |
|||||||
|
|
|
06-24-2003, 10:27 AM
|
#5 (permalink) | |||||||
|
شاملي ماحد قدة
|
ابو خالد اسمها حونشي... مو حنوشي
 -------------------- ولو العفوووووووو ابو رياااااااان.. افاااااااااااااااااا معقوله انا ما اعرف وش معنى حونشي؟؟!!! ههههههههههههههههههههههههههه انت تصدق يابو ريان اني ماعرف معناها يسلمووووووووووووووووووووو ياقاموووووووووووووووس شامل نت جـــوري  |
|||||||
|
|
|
06-29-2003, 11:40 AM
|
#10 (permalink) | ||||||||
|
شاملي عليه القيمة
|
اقتباس:
شكرا اختي جوري __________________ |
||||||||
|
|
|
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | تقييم هذا الموضوع |
|
|
مواضيع مشابهه
|
||||
| الموضوع | كاتب الموضوع | المنتد | ||
النمط الخطي
