|
|
|
|||
|
|
|
|
||
|
|||||||
| شامل السوالف وسعة الصدر للسوالف الرايقة والألغاز والنكت والصور المضحكة |
 |
|
|
LinkBack | أدوات الموضوع | تقييم الموضوع | أنماط العرض |
03-28-2004, 06:04 AM
|
#1 (permalink) | |||||||
|
شاملي ماحد قدة
|
قصـــــــــة يوم اني سافرت وشفت العالم قلت يازين الرياض بس
هاااااي قايز وقااايزاات تسيف حالكم؟ انشاء الله بخيييير؟ = = = = قبل لاسدح موضوعي ابي انبهكم لنقطتين: 1- الموضوع طويل يعني يستحسن قطع الاتصال علشااان ماتخسرووون اهلكم 2- اللي مستعجل والا موب راايق يدخل وقت ثااني لاني مأحب احد يقرأ مواضيعي وهو مشغوول<< من زيينك تتشرط بعد= = = = انظر للاسفل اذا اردت قراءة الموضوع هع هع للعمياان هذا 7 7 7 7 7 طبعا الشتاء عزف على الرحيل والصيف قرب وبما ان الصيف قرب يعني الاجازة الصيفية قربت وبما ان الاجازة الصيفية قربت يعني السفر حان طاريه << يبي يدوخكم ياربيه ودي اسااااافر بس الماما<< امووت بالدلع اللي تسذا,, الماما مانعه السفر منعا باتاً انتم ماتدرون وش صار لنا ذيك العطلة ودي اقول لكم بس انا عارفتكم زيييييين ماعندكم الا القيل والقال همن تصير قصتنا على كل لسان الا بقول ونص احس لساااني يحكني وش اسوووووي !! = = = ياطويلين العمر في ليله سودااا من لياالي الويتس ايند كنا جالسين عند التلفزيون انا وعلياان وامي وجدتي ونتابع قناة (الاف_صي _خي) طبعا كلكم تعرفونها المهم انا واخوي نتابع ومنسجمين وماصوع يمصع هاللبنانين يازينهم ويازين كلامهم ,و امي تتحمد وتقول وش هالمفاصيخ اللهم لك الحمد والشكر ,اما جدتي خارج نطاق التغطية ماتدري عن السالفه خخخخخخخخ عاد انا خطرت في بالي فكره وقلت الحين ورى ماستغل الفرصة واطلب من امي نسافر وقمت وقربت منهاا وجلست اتميلح عندها قالت اخلص وش تبي << ياشين الامهاات اللي يفهموون عيالهم ,قلت يمه بس بغيت اقولتس...يعني.. مايخالف؟ هاه الحين ورى مانساافر؟ قالت امي ايه والله ودنا نرووح للطائف يمدحوون الجو عندهم ! قلت يمه الله يهديتس وش الطائف؟انا قصدي نساافر برى, قالت برى يعني وين؟ قلت برىيعني.. يعني ..لبناان << اقولها وانحاااش بلاي خابره وش بيجيني قالت ماعااد الاهي نروح لديرة هالاجانب المفااصيخ يازليلت الحيااا ياللي فيك وفيك وش تبي الناس يقولون عنا؟ وخنقتني العبره واستفزعت بعليااان ابيه يقنعها معي المهم جلسنا نفهمها ان لبنان دوله عربيه بس هم سمحين شوي موب يخااالفون يلبسون أي شىء وكلمه مني وكلمه من اخوي الين بدا يلين راسها وقالت اصبرو اشااور ابوكم << يوووه الدعوه فيها ابوي عز الله مارحنا ابوي رفض في البدايه بس يوم شااف دموعي على خدي والحزن يملأ عيوني<< هذا طبعا كله تمثيل رحمني ووافق بس قال ماقدر اروح معكم انا عندي شغل روحو انتو وانبسطوو بس لا تطولون بس المشكله الحين في جدتي وشلون نصرفها عاد جدتي الله يهديها ماتحب شئ يفوتها كل سفره الا وهي معنا تغاار من جارتنا ام صويلح تقول هي تساافر مع عيالها وتشبب عمرها هي مب احسن مني << ياشين الغيره على كبر والحديث عن جدتي ذو شجون بعطيكم نبذه عنها فيما بعد << ركزو على كلمة فيما ترى متعوب عليها خخخخخخخ الاستعــــــداد للسفــــــر بدينا نجهز انفسنا للسفر ونضف عفشنا واغراضنا من قبل الرحله باسبوع << ماينشرهه علينا ماشفنا خيرهع هع وامي الله يصلحها ماخلت قدر ولا بريق ولادله بالبيت الاحطتها تحسب السفر زي طلعة البر وجاء اليوم المنتظر وقمنا من الفجر الساااعه خمس وموعد الطياره الساعه اربع العصر << قايله لكم لاتشرهوون علينا ,وركبنا الطياره وانا واخوي فاتحين خششنا من الفرحه ويوم وصلنا حجزنا بفندق ثلاث نجووم على قد فلوسنا<< فضيحه هع ومرت السنين قصدي الاياام بسرعه وحنا مسرورين وتغمرنا فرحه عااارمه ونحن نتنزه في ربوع لبنان يازين ديرتهم كلها خضره ووجييييه حسنه وشياااكه وحركاات حتى اكلهم زين زيهم وفي يوم من الايام كنا نتمشى على البحر ومادريت الا وحدة تطق كتفي التفت عليهاا قالت انت كلوزا اللي بمنتدى شامل نت قلت ايه انا .......قالت ماعرفتني؟ قلت لا والله بس شكلتس مب غريب علي...... قالت انا( آليـــــســـــا ) قلت والله والخـــــيبه, قالت شو يعني؟ قلت يعني ونعم التربيه قالت ينعم باصلك << انوااااع الكذب خخخخخخخخخخخخخخخخخ المهم عرفتها على افراد الاسره وجلست معنا وطوول الجلسه و امي تناظرها بطرف عينها ودهاا تطردها بس مستحيه وجدتي تقول لها انتي في كويس << تحسبهاا هندي وطبعا بعد فتره صرت اموون على اليسا <<<<<<< شكلكم عاادين الارانب هههههههه وانا كان في بالي سؤال محيرني قلت بما اني صرت اموون ورى ماسألها هالسؤال اللي محير الامم المتحده !!! قلت اليسا قالت لبيه قلت عندي سؤال بس مستحي قالت تدلل <<<<<<<مايمديكم هع هع هع · قلت انتي في خلال فتره بسيطه قدرتي تكونين قاعده جماهيريه كبيره مع اني ماشفت فيتس شىء زووود؟؟؟؟ طبعا اليسا زعلت قلت انا بطقاق اللي يطقتس من زينتس عااد انا استاذنت منتس وانتي قلتي تدلل قالت على العموم انا راح اجاوبك انا عندي طريقه مضمونه ميه بالميه وهي طريقة الاغراء والاستعرااض والتبطح في الفيديو كليب قلت لا يازليلت الحيااا انزلعي لابارك الله فيتس وطردتها شر طرده ماعاد الا هي اماشي هالاشكاال التعباانه بس الشرهه مب عليتس الشرهه على اللي يتابعون اغانيتس وفيديو كليباتس << حسيتوو اني قوووووووووووووي صح __________________ |
|||||||
|
    
|
|
|
|
|
|
03-28-2004, 06:09 AM
|
#2 (permalink) | |||||||
|
شاملي ماحد قدة
|
7 7 نكمل لكم السالفه الي ماطااعت تخلص ولكـــــــــن فجـــــــــأه بعد فتره ونحن هنااك << وش رايكم فيني وانا اتكلم بالفصحى هع هع بدينا نلاحظ اشياء غريبه لاحظنا بعض التغيرات الي طرأت على جدتي واخووي عليااان · جدتي تاثرت بكلامهم وصارت تقوول ( ولاااك شووو بدك , ولييييي شو هالشوووب , منيحه) وصارت تشغل الراديوو تسمع ( ياسلام ياسلام ائد ايه حلوو الغرام, معئول انساك معئول, واقمل احساس في الكوون ومن هالاغاني الشبابيه) الله يالدنيا توها تتابع الاخباار وبرامج الشعر الشعبي · وعليااان خربت اخلاقه صار يلبس جنز وبرمودا ونظارات ملوونه = = = لحظــــــة الحسم انا وامي بعد مالاحظنا هالتغيراات الفيسلوجيه الخطيره واعراضها االلي بدت تظهر على المذكورين اعلااه << احلى يالاسلووب >> اقوول كمل ولا يكثر عقدنا جلسه انا وامي للتشااور وظهرنا ببعض الحلوول : وهي انا احنا نضف عفشنا ونرجع لديرتنا واصدرت امي القرار الاتي: [ لاسفر للخارج ولا ستلاااايت بعد اليوم] ) وقلت لامي تووبه اذا جينا لم لبناان انشاء الاجازه الجاايه بنساافر لفرنسا مادريت الاذااك الكف اللي سرعته الفين شاطفن خدي وبلعت العاافيه وسكت قالت امي انتو الدماام وجده وتخب عليكم اهئ اهئ = = = الخلا صــــــــــة : - كن وطنيا واقضي اجازتك في ربووع الوطن - نسيت لاقولكم ترى اليسا تسلم عليكم كل ابووكم << والله ماجابت خبركم بس ابي ارفع معنويااتكم هع هع - احرص على ربط حزاام الاماان قبل ان تركب السيارة << كيف تجي مدري؟ خخخخخخخخ= = = = سي يو كلوزا على فكره القصه هذي في احد المنتديات وتم صياغة بعض الكلمات مني |
|||||||
|
|
|
|
04-09-2004, 06:25 PM
|
#3 (permalink) | |||||||
|
شاملي عليه القيمة
|
طيب طيب الحين بفصل الاتصال وبفضي عمري حق الموضوع <<<<<<<< مطيعه الله يخليها لاهلها نياهاها بس قبل لاافصل حبيت اشكرك مشكوووووووووووووووووووووووووور عالموضوع وماقصرت ويعطيك الف عافيه ..............الخ وانا من خلال نظرتي الخاطفه له تبين لي انه حلو <<<تكفين يالنظره الخاطفه خخخخخخ يالله تشــــــ11و |
|||||||
|
|
|
|
07-21-2005, 10:24 AM
|
#6 (permalink) | |||||||
|
مشارك في STAR
|
كلوزا جميل جداً وخيالك خصب مرره ________________مثل ربوع لبنان _____________ مخضر يعطيك العافيه على القصه الجميله -------وسلملي على إليسا إذا شفتها مره ثانيه هههههههههههه مشكور اختك ساندرا __________________ |
|||||||
|
|
|
|
05-11-2007, 06:28 PM
|
#9 (permalink) | |||||||
|
شاملي ماحد قدة
|
رد: قصـــــــــة يوم اني سافرت وشفت العالم قلت يازين الرياض بس
مشكووووووووووور على الموضوع المختصر هههههههههه __________________ |
|||||||
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | تقييم هذا الموضوع |
|
|
النمط الخطي
