أحبــــــــــــــــــــك بس ما أقدر أقولهااااااا......

السلام عليكم أخواني + أخواتي

راح انزل لكم قصه بالحيييييل حلووه

وهي عبارة عن قصة سعودية .......... انشاء الله تعجبكم ....
اممممممممممممممممممم ....
بنزل اول جزء واذا عجبكم نزلت الباقي ....

الجزء الأول :

عائلة أبو عبد الله عائلة صغيره سعيدة من الداخل ومن الخارج. أبو عبد الله رجل عاقل ولكنه متقيد جدا بالعادات والتقاليد بس هو جدا حبوب وعمره يمكن في الخمسينيات وزوجته أم عبد الله إمرأه جدا رائعة في تعاملها مع الكل وهي اصغر من ابو عبد الله بعشر سنين يعني عمرها في حوالي الأربعينيات عندهم بنتين و ولدين أكبر أولادهم بنت و أسمها سارة على جدتها أم أبوها وعمرها 25 سنه , وبعدها عبد الله وعمره 14 سنه , وبعدين سامي وعمره 20 سنه و بعدين العنود وعمرها 18 سنه .
أبو عبد الله رجل أعمال ما عليه ماديا مرتاح ومريح عياله معاه عنده شركات وعقارات واسهم "يعني مريش ما عليه" وهو من عائله وله نسب حسب , أم عبد الله من عائله معروفه في نجد بس ما شاء الله عليها ما ضرها متواضعة وخلو قه ومن تواضع لله رفعه , سارة متخرجة من جامعة الملك سعود بالرياض قسم إنجليزي تخصص لغات وترجمه وهي لها سنه متخرجة سنه جالسه بالبيت على قولتها تريح من الدراسة لأن بقسمها درست خمس سنين سارة شاطره ما قد حملة مادة والآن أبوها جاب لها واسطة حتى تتوظف مدرسة وطلع تعينها بالصيفية ورح تكون الآن مدرسة إنجليزي في مدرسة ثانوية سارة طيبه هادية بالمرة بس ما شاء الله عليها جمال الكون كله فيها طول ورشاقة وجمال وعيون ولا عيون المها وشعرها طويل اسود داكن حلو عليها ومخليها نور يمشي والأنف سلة سيف والشفا يف كنها حبة فراولة وخدودها ورديه وهي بيضاء تبارك إلي خلقها ,أما عبد الله الي ينادونه عبود ومستحيل ينادونه عبد الله هذا الشي معقد حياته على قولته عمري 24 سنه وتنادوني عبود الله يستر إذا تزوجت وجبت عيال ما تنادوني عند عيالي عبود , عبود متخرج من جامعة الملك سعود بالرياض قسم هندسة تخصص هندسة معمارية حلم حياته يفتح مكتب ويصمم عمارات صار له سنه متخرج وهو الآن مقدم على ماجستير في إدارة الأعمال عبود مولع بالسيارات كل سنه له سيارة موديل غير عبود طالع على أبوه وفيه شوي من أخته سارة وهو ما شاء الله عيه وسيم وجذاب لدرجة الشخص الي يمشي يصنم لما يشوفه, البنات عليه بالكب وهو ماخذ الجو كله عند أصدقاه معه تنقلب الآية البنات هم الي يرقمونه بعد الأخ مو مقصر مع الكل خاش ,عبود ما عليه رزه ومرجله وقت المرجله بس عيبه إنه راعي بنات ,أما سامي الولد المدلع حبيب أمه وأبوه الي ما يرفض له طلب بس مشكلته على إن أهله يحبونه بس مطلع لهم قرون بس مو في أشياء كبيرة هو مزاح بزيادة ,ثاني سنه له في العسكرية وجايب معدل زي وجهه في التوجيهي بس أبوه ما قصر دابكله حتى دخله العسكرية وهو كان يبيها لأن يعرف نفسه انه مو راعي دراسة فما رح يفلح في الجامعة لأنه من أنصار حط كتابك ونم كأنه ساند ريلا بعد الساعة 12 بالليل يقفل الكتاب سواء خلص أو ما خلص كله واحد سامي راعي وناسه وفر فشه وطربان لآخر الدرجة حتى الكل يعترف صوته حلو بالمرة سامي ما يجي بمستوى عبود في وسامته بس فيه شي يجذب الشخص وعيونه جنان ,سامي عند أمور الرجال خذ رجال , آخر العنقود هي العنود ويدلعونها عنوده هذي حبيبة أبوها ابتسامتها عند أبوها تسوى الدنيا وما فيها وبعد لها الغلى كله عند أمها بس أمها ما تفرق أحد عن أحد وبعد أبوها بس حبها في قلبه طاغي كثير العنود وتنتقل لمرحة ثالث ثانوي وهي علمي ما عليها هي شاطره بكل شي وراعية دراسة على قولة أخوها سامي أكيلة كتب وهي تدرس بجد لأنها تبي تدخل الطب وترفع راس أمها وأبوها هي عكس أختها سارة وقريبه لأخوها سامي راعية وناسة وفرفشة بس وقت الجد جد ووقت الدراسة درسه العنود بنت جمالها ملائكي مو مثل سارة بس فيها البراءة كلها عيونها عسلية شعرها مو اسود لا أشقر وطولها حلو وبعد رشيقة وهي الوحيدة الي طالعها على أمها في كل شي في جمالها ونعومتها وذوقها وتواضعها وطيبتها.


في الدور الثاني فوق سارة والعنود جالسين في الصالة وسهرا نين عند التلفزيون ويسولفون ويتذكرون أيام طفولتهم وكيف كانو مسويين عنوده ما تتذكر أشياء كثيرة قد ما تتذكر سارة بس عنوده كل ما سولفت عن طفولتها لازم يكون فيها محمد ولد عمها خالد وهي إذا ا جاء اسمه ما تدري وش الي يصير لها بس ما كانت تدري حتى سارة ما انتبهت لهذا الشيء .
سارة: عنوده تتذكرين لما صحتي يوم عبود ما رضي يركبك الخيل في مزرعة عمي منصور؟
العنود: أكيد حتى أتذكر إني جلست ابكي حتى تفخت عيوني وبعدين جاء محمد ولد عمي خالد وركبني معه في حصانه وهو الوحيد الي يعطيني وجه أما عزوز أخوه أوف ما اهضمه دايم أنا وياه مناجر مع إنه عجوز أكبر مني بس حاط دوبه ودوبي بس وش حليل حمود كان حبيب معي مع إنه أكبر من عزوز وهو المفروض الي يشوف حاله علينا مو ذاك هو واخوي عبود وسامي مطلعين قروني أنا ونوره بنت عمي خالد.
جلسوا لما أذن الفجر وكل وحده قامت تبي تروح لغرفتها عشان تصلي وتنوم وهم قايمين يشوفون عبود راقي الدرج وجاي للصالة
عبد الله: ما بعد نمتوا وش تسون لحتى الحين
سارة : إحنا وش نسوي على الأقل إحنا بالبيت مو مثل حضرتك توك جاي وصاير بيتنا أوتيل للأكل و النوم الله يعين أمي عليك ............ وتروح لغرفتها قالت ها لكلام لأنها معصبه من عبود على حركته اليوم العصر فيها
العنود: عبود ترى
عبد الله : هيه هيه اسمي عبد الله وش شايفتني أصغر عيالك أنا
العنود : طيب طيب عمى كلتني .......أخوي الأكبر عبد الله ترى بكره فيه قومه بدري
عبود : ليه؟؟؟؟!!!!! وهو مستغرب
العنود : بنروح لمزرعة عمي منصور.
عبد الله : وبيروحون عيال عمي خالد
العنود : وش دراني بس إذا قمت بدق على نوره و أسألها إنت ما كنت معهم
عبد الله: إلا بس ما قالو لي شيء
العنود : وهم كيف بيدرون ما دامهم مثل حضرتك هايتين
عبد الله : عيب احترمي نفسك تراهم أكبر منك
العنود : عارفه عارفه و الله عارفه بعد مو أكبر مني إلا وإنت الصادق شيبان
عبد الله خلاص أخت عنوده احترمي نفسك عاد
وتدخل العنود غرفتها وقبل ما تصك الباب
العنود: عبد الله ترى المسجد يناديك وتصك الباب
عبد الله فهم قصد العنود لأنه مو ذاك الزود الي يداوم على فروضه بس نزل ها لمره وتوضأ ومر أبوه عشان يوعيه لصلاة الفجر
أبو عبد الله : ها عبد الله أشوفك واعي وش عندك
عبد الله : بروح أصلي وياك أفا أبوي وش شايفني كافر
أم عبد الله بعد ما صحت وغسلت :الحمد لله أدامك بديت تتغير فيك رجاء إن شاء الله
ويطلع عبد الله و أبوه ويروحون المسجد ولما خلصوا رجعوا البيت أبو عبد الله راح ينوم شوي أما عبد اله ف صكها نومه حتى صلاة العصر.
قام ( صحي ) عبد الله على صلاة العصر وهو نفسه ( وده ) يكمل نومته بس تذكر إنه هو و أهله بيطلعون ( يروحون ) لمزرعة عمه منصور .قام عبد الله وتحمم ( تسبح ) ولبس ملابسه وهو نازل الدرج يصرخ على الخدامة
عبد الله: روز روز روزوه وصقه
وتجيه روز
روز: ايش فيه what is happening?
عبد الله : سوي لي ( صلحي لي) عصير برتقال وجيبيه بالصالة وخلي ميري تطلع تشوف وين البنات وأمي
روز : madam ,mister & the girls are out said they tell me to tell you they go to MR. mansor farm if you want to go with them
عبد الله : طيب طيب بتقولين أنتي قصة حياتهم خلاص ما أبي عصير روحي
ويطلع عبد الله ويركب سيارته ويدق على عبد العزيز ولد عمه خالد الي توه جاي من أمريكا عشان الإجازة
عبد العزيز : وينك يا رجال كلنا هنا نستناك
عبد الله : ما شاء الله انتو هناك
عبد العزيز : لا لا إحنا مو هناك ......... أجل وين بنكون فيه ........اقول عبود
عبد الله : سم
سم الله الله عدوك .... بس بصراحه هذا مو نوم هذا سبات كلنا أمس ما نمنا إلا الصبح وش هالنوم الي عندك .. عجل بس
عبد الله : طيب بس عاد استنوني بالغداء تراني جوعان روزوه فتحت لي محضر
عبد العزيز : عجل ترى مليت منك بستناك ساعه أن ما وصلت قمت وتسبحت أنا ومحمد وطببنا ذا الشيبان معنا والله اشكالهم فهي الصيف تنرحم
عبد الله وهو يضحك : طيب أي اوامر ثانيه حضرة الدكتور
عبد العزيز : ايه
عبد الله : أشوف خذت وجه ترى ما عطيتك وجه الا عشانك بتذلف آخر الصيفيه بس مسختها أشوف
عبد العزيز : افا أفا يا ولد عمي ما هقيتها منك يا عبود أذلف مره وحده ما تقول هذا ولد عمي حبيبي مالي غيره
عبد الله : حقك علينا أبو خالد لا تزعل بس تراك فقعت إذني صك السماعة
فجأة ويطلع صوت ضحك عالي