|
|
|
|||
|
|
|
|
||
|
|||||||
| شامل العام للمواضيع التي لاتندرج تحت اي مسمى للمنتديات |
 |
|
|
LinkBack | أدوات الموضوع | تقييم الموضوع | أنماط العرض |
08-30-2004, 09:05 AM
|
#1 (permalink) | ||||||
|
شاملي
|
الجزء الثالث من احبك بس ماقدر اقولها...
احبك بس مااقدر اقولها -------------------------------------------------------------------------------- الجزء الثالث مرت الأيام وبيت أبو عبد الله في رواق لأن العنود مو فاضية وراها مذاكرة ودراسة بس في أيام الويك اند لما يجي أخوهم سامي يخلي الجو وناسه الأيام الي يكون فيها سامي بالبيت العنود ما تفتح الكتاب لأنها تكون مشتاقة لأخوها لأنه مو كل ويك أند يكون بالبيت سامي لما يطلع من الكلية أيام الويك اند يجلس كثير بالبيت لأنه مشتاق حيل لأهله وبالليل على الساعة11 يطلع ويروح يا لأصدقائه أو عند محمد ولد عمه الي يسهر ببيتهم هو وأخوه عبد الله سامي لما يطفش بالنهار يطلع يتمشى بالشوارع مرة من المرات جاء على باله ينزل للسوبر ماركت يشتري له أي شيء لأنه مل من الجلسة يبي يمشي شوي لبق سامي سيارته الـBMW في المواقف ونزل ودخل السوبر ماركت ومشى مشى وكان السوبر ماركت كبير و وسيع والأشياء فيه مرتبه ومقسمه كل شيء بمكانه الصح وصل سامي لقسم الحلويات وهو واقف يقلب بأنواع الحلويات ينقي الحلو منها سمع صوت هوشه كل شوي بس الصوت كان بعيد ومو واضح بس سامي ما اهتم بالموضوع وطنش حتى بدأ الصوت يقرب منه شوي شوي حتى حس سامي إن الصوت ورائه ودون ما يحس التفت وراء وشاف شي ما توقع يشوفه أبدا هو صحيح يسمع بس بعينه ما قد شاف البنت : أنا ما قلت لك ابعد خير إن شاء الله أنت ما عندك أخوات تخاف عليهم ما تخاف ربك عيب عليك استح على وجهك الرجال: أشوفك مسختيها كن ما في بنت بالرياض إلا انتي البنت : طيب بما إن فيه كثيرات ابعد عني خلاص الرجال : لأ لأ لأ لو تركعين قدامي البنت : استح على وجهك الناس بيشوفونا وش بيقولون الرجال: خليهم البنت : أقولك والله ترى لو ما وخرت لاتشوف إلا شغلك الرجال: ما رح أوخر وريني وش رح تسوين البنت دون أي تردد ترفه شنطتها وتضربه على وجهه ضربه قويه خلت الشماغ والعقال يطيحون على الأرض الرجال استغرب حركة البنت وبإنفعال مسكها مع طرحتها وسحبها قدامه وما صار بينه وبينها ولا فاصل وحاول إنه يرفع نقابها من على وجهها سامي من هول ما شاف وسمع ما قدر يستحمل سحب الرجال وأعطاه كف ( قلم ) على وجهه الرجال ما سكت له وضربه سامي بعد ما خلاه لأنه فيه الحرة من حركته الحقيرة الي ما أحد يرضاها على بنت بلده وبنت دينه وسامي ما قصر معه والهوشه والمضاربة كلها قدام البنت تصير والبنت تناظر سامي وتقول في نفسها : تسلم والله بردت قلبي بس لما شافت الدم بدا ينزل من على وجه سامي ما تحملت بدون شعور منها صارت تصارخ وتحاول تسحب الرجال من قدام سامي البنت : حرام عليك خله انت مو كنت تبي تضربي ها اضربي بس خله سامي من دون ما يحس ابعد البنت من قدامه لحتى وقعت على الأرض بس ما كان يقصد أكيد:وخري ابعدي وسحب سامي الرجال وكان يبي يكمل عليه فجأة السكيورتي الي بالسوبر ماركت تجمعوا على هالهوشه وسحبوا سامي والرجال بس ما كانوا منتبهين للبنت لأنها بعدت عنهم شوي وصارت تناظرهم من مكان مو بعيد ولا هو قريب الشرطه جو وسحبو معهم سامي والولد كل شرطي مسك واحد منهك لما طلعو برا السوبر ماركت سامي كلم الشرطي : لو سمحت سيارتي الشرطي : تبيها سامي : ايه الشرطي : رح خذها سامي : شكرا ....وهو جاي بيروح ويجره الشرطي : لا يا بعد أمك وين الدعوة سايبه سامي : أجل مو انت الي قلت لي أروح اخذها الشرطي وهو يضحك : صدق سامي : ايه حس الشرطي إن سامي مو هو الي بادي بالهوشه ونادي احد الي معهم عشان ياخذون سيارة سامي الشرطي : وين سيارتك سامي يأشر عليها ويعطي الشرطي مفتاح السيارة البنت من بعيد كانت تراقب سامي وتراقب الشرطي الي راح يأخذ سيارته وبعدين راحت بعد صلاة العصر الأم مستغربه تأخر سامي المفاجأ وسألت عبد الله بس ما كان يعرف وينه حاولو يدقون على جواله بس كان مغلق ويحاولون مره ومره والأم دب الخوف فيها وش الي صار فيه والكل بالصالة يستنونه وهم خايفين عليه لأنه مو من العادة يتأخر عن هذا الوقت ويقفل جواله . عبد الله والعنود يناظرون مسلسل على قناة مصر الأولى وأبو عبد الله جالس يقرأ جرا يد للمرة الثانيه وساره في المطبخ رايحة تجيب كاس مويه لأمها الي كانت بالأنتريه تستنىسامي وهي تروح وتجي. وبين هم كذا يرن تلفون البيت ويقوم عبد الله يرد والأم تركض على التلفون تحسبه سامي بس لقت عبد الله سبقها ورد عبد الله : ألو الرجال : السلام عليكم عبد الله : وعليكم السلام الرجال: منزل عبد العزيز الفلاني عبد الله : ايه طال عمرك الرجال: من معي عبد الله : معك عبد الله طال عمرك ولده الكبير الرجال : والنعم عبد الله : النعم بحالك الرجال: يعني انت اخو سامي الكبير عبد الله : ايه ليه فيه شيء الرجال : ابد بس نبغاك انت ولا الوالد تشرفونا بالمغفر الفلاني عبد الله : طيب ليه ممكن أعرف الرجال : إذا جيت عبد الله : إن شاء الله دقا يق ونكون عندكم قفل عبد الله سماعة التلفون وهو يناظر أبوه ما يدري وش يقوله أم عبد الله : عبد الله سامي وش فيه سامي وش فيه يا عبد الله عبد الله وهو يناظر أمه وبعيونه علامات الخوف عليها : يمه وش سامي من يقول هذا سامي أم عبد الله : اجل مين عبد الله وهو يناظر أبوه : هذا رجال يبي أبوي ويبيني في موضوع مهم وصوته ما كان طبيعي وبنروح له الحين أم عبد اله : عبد الله أنا أمك لا تفكر انك تكذب علي أعرفك زين وش فيه سامي ......... وصارت الأم تصيح وتترجى عبد الله يحكي ابو عبد الله بدى الخوف يدخل قلبه على ولده سامي وعبد الله ما قدر يصبر يشوف أمه بها لحاله بس قرر انه يقول لها الي يعرفه من هول ما سمعت عبد الله ما قدرت تستحمل طاحت على الكنبة الي وراها البنات جلسو حولها وركض عبد الله للمطبخ يجيب لها كاس مويه وشربته ولما تطمأنوا عليها وهدوها شوي طلعوا غيروا ملابسهم وهم طالعين من باب الفله أم عبد الله : أمانه عليك يا بو عبد الله ترجع معك سامي وكلم ربعك ومعارفك يجيبونه لي سالم ما فيه شي عبد الله وأبوه تقطعت قلوبهم على حالة أم عبد الله الي ما قد شافوها بها لحالة أم عبد الله : ترى إن صار شي لسامي ترى بموت تكفى لا تخليه يابو عبد الله......... وصارت تترجاه حتى...... قال: يا أم عبد الله استهدي بالله ترى سامي ولدي مثل ما هو ولدك والحين اكلم لك واحد وقدامك بس استهدي بالله ويدق ابو عبد الله على واحد من معارفه ابو عبد الله : السلام عليكم أبو فهد : وعليكم السلام ابو عبد الله: وش علومك يا ابو فهد إن شاء الله بخير ابو فهد : الحمد لله يسرك الحال ابو عبد الله : والله يا ابو فهد بغيتك في شي ابو فهد : انت تآمر يا ابو عبد الله قل لا يردك إلا لسانك ابو عبد الله : تسلم بس ولدي سامي بالشرطة ونبيك معنى عون ابو فهد : افا وش مسوي ابو عبد الله: والله ما ادري ما علمونا ابو فهد خير إن شاء الله بس أي مخفر ابو عبد الله : المخفر الفلاني ابو فهد : زين اشوا ابو عبد الله : ليه ابو فهد :لأنه عندي هناك شغله أسويها خفت ليكون المكان بعيد عن مكاني الي بروح لمه زين صاروا في نفس المكان .............تم يا بو عبد الله إن الله تلقوني هناك ابو عبد الله: ما تقصر ...مع السلامة ابو فهد : مع السلامة بعد صلاة المغرب البنات سمعوا صوت السيارة داخل البيت وركضوا كلهم عند الباب ويشوفون ابوهم وعبد الله واخوهم سامي وش صار عليه .سارة فتحت الباب وجنبها اختها العنود دخل ابوهم الفله البنات سلموا عليه وحبوا ايده وراسه وكان وراه أخوهم سامي البنات سلموا عليه وهنوه بالسلامة والأم من شافت سامي دخل وهي تصيح وما قدرت تمشي له رجولها مو قادرة تشيلها هو راح لمها وحضنها أم عبد الله : سامي بسم الله عليك وش فيك يمه وش الي يوجعك سامي : يمه حبيبتي لا تخافين أنا طيب ما فيني شي أبو عبد الله : أبد ما عليه زي الحصان عبد الله : وش حصان يبه قصدك سوبر مان زورو ولا غريندايزر أمنيته يكون غريندايزر وربي حقق له هالأمنيه ها حلو الوضع تحس انك بطل ومحد قدك ابو عبد الله جلس يضحك أما البنات ما كانوا يناظرون عبد الله وابوهم مو فاهمين شي سامي بعصبية: عبد الله عن التريقه عاد أم عبد الله خلوه مسكين حرام عليكم يمه تبي شي سامي : لا ابد أم عبد الله : قومي يا سارة الله يعافيك وصلحي لخوك كاس عصير وجهزي له الغداء من طلع وهو على لحم بطنه سارة : إن شاء الله العنود : سامي صدق وش فيك وش صار لك عبد الله وهو يتريق على العنود : سامي صدق وش فيك وش صار لك العنود : عبد الله عن التريقه خلصت من سامي وبديت فيني أبو عبد الله : عبود خل أختك عبد الله : إن شاء الله الأم مو مصدقه نفسها إن سامي ولدها حولها مبسوطة فيه بالمرة . سارة رجعت من المطبخ ومعها العصير أما الغداء فجابته الخدامة وحطته قدام ( قبال ) سامي و الأم تناظر وتعطيه والكل كان مستغرب من تصرفات الأم صحيح كلهم عارفين بمعزة سامي وغلاه عند أمه بس مو ها لكثر. وهم جالسين يتكلمون ويتحمدون على سلامة سامي. عبد الله : إلا يا حلوات ما تبون تعرفون قصة سامي بسرعة التفت سارة والعنود عليه سارة و العنود : ايه نبي نعرف عبد الله وهو يضحك من قلب : صدق إنكم ملاقيف سارة : يله عاد بلا سخافة عبد الله : طيب اسمعوا كلكم لأني مرح أعيد اوكي البنات : اوكي عبد الله : هذا البطل غريندايزر تعرفونه أكيد سامي ولد أمه و أبوه المهم ويسرد عليهم الأحداث الي سارت بالسوبر ماركت كاملة بس قبل ما يقول إن سامي جره وأدبه قام من مكانه وهو يضحك وطل في وجه سامي عبد الله : إلا يا غريندايزر قبل ما تهجم ما قلت دوفليق انطلق سامي مل منه ودزه على الأرض سامي : عبد الله عاد اعقل ما صارت البنات وابوه يضحكون عليه لأنه مو متوقعين منه هالشي سارة : صدق سامي سويت كذا انت رجال صدق عاش من رباك العنود : المهم كمل بعدين علقي يا سارة عبد الله : لا عاد القصة الحقيقية ما اكتملت تبون أكملها العنود : ايه أكيد تكفى كمل ترى الضغط بجيني من هالقصة الي ما خلصت وتروح على ثالث وما بقى منها شاء حرام عليك عبد الله : عشانك يا قمر بكمل __________________ |
||||||
|
    
|
|
|
|
|
|
08-30-2004, 09:10 AM
|
#3 (permalink) | ||||||
|
شاملي
|
الجزء الرابع عبد الله : لما طلعنا اليوم شفتو أبوي وسمعتوه يكلم رجال صح البنات : صح .....المهم كمل عبد الله :هذا الرجال الي يقال له ابو فهد كان عنده شي مهم يبي يخلصه بالمخفر الي فيه سامي هو راح عشان يخلص الي يبيه وأبوي جاه هناك وهذه القصة الي سارت هناك بالتفصيل أبو فهد : حيا الله أبو عبد الله أبو عبد الله : الله يحيك ...........ها خلصت شغلك أبو فهد لا توني الوضع شوي مشربك بس خير منهو ولدك الي هنا أبو عبد الله : سامي هو الي هنا ولما دخل أبوي وأبو فهد عشان يفزعون لسامي أبو فهد شاف سامي وأستغرب وصار وجهه يروح ويجي ليه ما كنا نعرف أكيد المهم سامي يعرف أبو فهد بس من متى بعد ما ندري أبو عبد الله : هلا سامي عسى ما شر سامي : الشر ما يجيك يبه ............ وهو قايم يبوس راسه أبو فهد : أبو عبد الله هذا ولدك سامي أبو عبد الله : ايه هذا هو أبو فهد : أجل أنا جاي لولدك بعد أبو عبد الله : ايه مو أنا كلمتك عشان كذا أبو فهد لا لا مو بس لأنك كلمتني مو أنا قلتلك إن عندي شغله هنا وبخلصها وبجيك أبو عبد الله : ايه ابو فهد : والشغله هي ولدك سامي جزاه الله خير وكثر أمثاله وبارك الله فيك على تربيته ابوي تعجب من كلام أبو فهد الي ما فهمه أبو عبد الله : وش تقول ما فهمت شي سامي : أنا بقول لك يبه ويحكي سامي لأبوي القصة الي صارت له بالسوبر ما ركت البنات : طيب منهو أبو فهد عبد الله :اها .........هنا صلب الموضوع أبو فهد يصير يصير البنات : يله عاد تراك مسختها عبد الله / ابو فهد يصير أبو نجلاء العنود : ههههههههه احلف عاد إحنا فهمنا منهي نجلاء أكيد بتقول عنها بنت أبو فهد وأخت فهد عبد الله : يا عفريته كيف عرفتي سارة وهي تتريق : ما يبيلها ذكاء بني علمي العنود : يله بلا بياخه تراك مسختها قل منهو ابو فهد عبد الله وهو ميت من الضحك على أخواته : يا أذكياء اسمعوا منهو ابو فهد يصير أبو البنت الي كانت بالسوبر ماركت البنات وهم مستغربين وعلامات الاندهاش والتعجب على وجوههم سارة : من جدك تتكلم العنود : والله ............صدق يا سامي عبد الله يقول الصدق سامي وجهه طلع بألوان مره أحمر من الإحراج ومرة أزق من عصبيته على عبد الله سامي : عبد الله خلاص ما بقى شي ما قلته العنود : إلا بقى أنت قلت إن ابو فهد جاي عشان سامي من جهتين الجهة الأولى من ابوي الثانية من مين سارة : صح من مين ....... ممتازه يا عنوده عبد الله : عجبي عجب على بنتين قد اجتمعتا بنت ذكية وألأخرى عبقريه عنوده : ارحم كاظم شوي من تريقتك..............وعجل تراني مليت عبد الله : إن شاء الله الجهة الثانية من بنته هي الي مرسلته سارة : احلف ...........طيب و كيف عرفت عن سامي انه بالمخفر عبد الله:والله .... بس كيف عرفت ما ادري حتى سامي ما يعرف ويقوم وينط ويجلس قدام سامي وهو ميت من الضحك عبد الله : صح سامي حتى انت ما تعرف سامي وهو معصب : صح أخ عبد الله ما أعرف شيء بأطلع أنوم راسي يوجعني ام عبد الله : بسلامتك يا ولدي وتغطى زين سامي وهو طالع من الصالة : إن شاء الله سارة : وخلصت القصة سامي وهو طالع على الدرج : ها أخ سامي رد عليها بقى شي عبد الله :ايه سامي : إلا ذا تعرف شي ما اعرفه عبد الله : الي اعرفه تعرفه بس نسيت نقطة مهمة البنات رح يحبونها سارة : طيب وشو عبد الله ابوي عزم أبو فهد و أهله عندنا على العشاء يوم الخميس الجاي العنود وتلتفت على أبوها : صدق ابوي ابو عبد الله : ايه صدق ام عبد الله : الله يحيهم تو ما زاد غلاهم غلا بعد وقفة ابو فهد مع سامي وإذا ما شالتهم الأرض نحطهم بعيونا سارة : صادقة أمي ....ابوي تبي شي محدد للعشاء أن شاء الله أبو عبد الله : الي تشوفونه زين ويواجهه حطوه أم عبد الله تم إن شاء الله العنود وهي تضحك : أهم شي أهله بيجون معه أبو عبد الله : إن شاء الله وعلى كذا تنهي مشكلة سامي و خوف أهله عليه وتنوم العائلة مرتاحة مر الأسبوع على بيت أبو عبد الله زي كل أسبوع سارة لاهية بالمدرسة والعنود بالمذاكرة ومراجعة الدروس وعبد الله زي ما هو ما تغير سهر بالليل لحتى الفجر وأبو عبد الله وأم عبد الله ما زالو ينصحون عبد الله عشان يخفف سهراته بس مو دايم لان عبد الله ما يقصر بحق أهله ولا بربع انش جا الويك اند الي بعد الحادثة الي صارت لسامي وسامي جاء والكل مستغرب انه حاضر هذا الويك اند لانه مو بالعادة ويك اندين متتابعين يجي فيهم بس الأم مبسوطة بس سارة لا لأنه حاسة أو شاكة بشي مخبيه سامي عليهم كانت خايفه عليه سارة مسكت سامي على جنب وطلعوا فوق للدور الثاني وبالصالة وسامي قدام سارة جالس على الكنبه المقابلة لها سارة : حبيبي سامي أنا أختك الكبيرة في شيء صاير لك أو مزعجك سامي : لا يا سارة ما فيني شي بس انتي ليش خايفة سارة : سامي ما أبي شي يصير لك إذا فيه شي مزعجك قل لي خفف عن نفسك شوي وأنا مستعدة أسمعك لحتى الصبح سامي قام من على الكنبه وجلس على الأرض قدام سارة ومسك يدينها وباسها سامي : الله لا يحرمني منك ....سارة اطمني والله ما فيني شي بس عشانك بقولك سارة وهي منزلة راسه تبوس جبين سامي سارة : سامي قل أنا أسمعك سامي : أول شي ثقي كامل الثقة إذا صار لي شي رح تكونين أول من يعرف حتى قبل الوالدة الله يحفظها لنا ....بس ما في شي يستدعي انك تقلقين عليه انا جاي عشان ابوي عازم ابو فهد وأهله عندنا بكره على العشاء وما أبيه يعرف إني ما طلع بالشهر إلا ويك اند واحد سارة : بس عشان كذا سامي : والله بس سارة وهي تضحك : والله إني توقعت شي ثاني سامي : خلينا ننزل عند أمي تحت لتحسب هي بعد شي ثاني سارة : طيب ونزلو تحت عند أمهم وجلسوا عندها مر يوم الأربعاء حلو عبهم وجاء يوم الخميس واستعد البيت للضيوف الي رح يجون وجهزوا كل شي وعمهم منصور وزوجته جو وعمهم خالد وزوجته والبنات ومحمد جو والضيوف الي على شرفهم مزينه العزيمة عائلة ابو فهد وعائلة ابو عبد الله بعد هالجمعه تقربوا من بعضهم أكثر والبنات انبسطوا مع بعض لأن أعمارهم متقاربة بدأت الامتحانات النهائية للفصل الدراسي الأول والعنود زاد شدة قعدتها بالغرفة لدرجة إن الأكل يطلع لها فوق وخفت زياراتها هي ونوره لبعض الكل لاهي بالمذاكرة سامي بالويك الأند الي يفصل بين أسبوعين الامتحانات ما جاء عشان ما يلهي أخته العنود من المذاكرة سارة راحت تجلس عند زوجة عمها منصور لأنها تعبانه وعمها كبير ما يقدر يناظرها زين اما عبد الله فخفف سهراته وطلعاته لبرا والأم والأبو زادت مراعاتهم للعنود الضعف وكل شي تطلبه مجاب وصار البيت في حالة من الرعب كأن الكل رح يمتحن مع العنود ونفس الشي في بيت عمهم خالد إلا إن نوف خلصت إمتحانتها بالجامعة وتساعد اختها نورة شوي وأيام تطلع تزور زوجة عمها منصور وتساعد سارة هناك إذا احتاجت شي وأخيرا طلعت نتايج العنود ونره وهم كانوا على أحر من الجمر يبون يعرفونها راحوا لمدرستهم وخذوا شهادات نجاحهم في الفصل الدراسي الأول العنود جابت 98.75 اما نوره فجابت97.35 ...اما زوجة عمهم منصور الحمد لله انها تعافت وصارت أحسن بكثير من أول ز سارة كلمت عمها منصور عشان زوجته وإذا كان يقدر يروح هو وزوجته لأي مكان يغيرون جو عشان تتحسن أكثر, منصور ما مانع أبدا وكلم زوجته وافقت وكلم إخوانه عشان يروحون معهم وقرروا إنهم يروحون للشرقية الدمام والخبر وياخذون شاليهات هناك عشان زوجة منصور وعشان البنات يغيرون جو قبل بداية الفصل الدراسي الثاني. البنات كان نفسهم يروحون للشرقية بالسيارة بس عشان زوجة عمهم منصور راحوا بالطيارة وصلت العائلات كلها لمطار الملك الظهران وكان محمد وعبد الله يستنونهم بالسيارات لأنهم كانوا طالعين قبلهم بيوم بالسيارات . البنات في حالة من الوناسة محد قدها كلهم مجتمعين وهيصة وسوالف واخبار منهي ومن هناك ومحمد وعبد الله تعرفو على شباب في الشاليهات الي عندهم وصاروا كثير يقعدون معهم البنات والعيال الصبح يركبون بالجستكي يا لوحدهم أو مع إخوانهم وعبد الله ومحمد العصر يسبحون بالبحر لحتى ما اخترقوا اما البنات فكانوا يطلعون ويقعون عند البحر من الغروب لحتى الشروق يروح وقتهم سوالف ومرات يكون معهم المسجل بس ما يعلون الصوت يكون واطي بحيث ما يسمعه إلا الي جالس معهم. جا العيد وتعيدوا بالدمام وذبحوا هناك الأضاحي وما بقى لهم إلا يومين ويرجعون للرياض ومرة من المرات الي كانت جلسة البنات ما تغيرت العنود كانت داخل الشاليه والباقي برا لما طلعت وكانت متجهه لجلستهم شافت شلة شباب جالسين على البحر ومعهم عود ويدندنون وكانت خايفه من انها تمر من قدامهم وما لها طريق عشان تروح للبنات إلا انها تمر ويشوفونها رجعت العنود للشاليه مرة ثانيه ودقت على جوال سارة اختها وقالت لها سارة : طيب البسي عبايتك وتغطي وتعالي العنود : لا أنا خايفه تعالي وخذيني سارة : العنود بلا شغل بزران تراك كبرتي العنود : والله أشكالهم تخوف ما اقدر سارة : بكيفك اجلسي بلحالك في الشاليه |
||||||
|
|
|
|
08-30-2004, 09:12 AM
|
#4 (permalink) | ||||||
|
شاملي
|
تابع الجزء الرابع العنود قررت ما تروح بس لما شافت الوضع ميؤس منه وملت من قعدتها لحالها قررت تطلع لهم وتدعي ربها آن محد يشوفها من هالشباب ومرت من قدامهم والحمد لله ما انتبهوا لها وهي تمشي حتى توصل عند البنات حست إن احد يمشي وراها ودقات قلبها كل شوي تزيد وخايفة تلتلفت وتشوف مين قررت انها تركض وبالفعل ركضت بس الشي الي وراها كان يركض بعد وراها اخر شي بدون ما تدري وقفت في مكانها وصرخت بصوت عالي والتفت على الشي الي وراها وكان تشوف كلب العنود تركض وهي تصارخ محمد ولد عمها سمع احد يصارخ حس ان هالصوت مو غريب عليه حتى شلة الشباب سمعوا صراخ العنود وراحوا لجهة الصوت محمد شافها تركض ومسكها وشاف الكلب الي وراها وهو ماسكها وخلاها ورا ظهره عشان يحميها وهي متمسكة فيه وهي تصيح ووصلو الشباب واحد من الشباب تكلم : يا الأخو خذ اختك ورح بها للشاليه حقكم واحنا رح نتفاهم معه محمد شكرا اخوي ما تقصر بس ما ظنيت بخلينا لحالنا الشاب : ما عليك رح وإحنا بنحوطه بس بسرعه محمد : طيب ويمسك العنود وبسرعة البرق يركض هو يا ها والشباب تكفلوا بالمهمه اما العون وهي تركض فتعكرت بحجر وطاحت على الأرض ساعدها محمد على انها تقوم وهم راجعين للشاليه محمد : العنود وش مطلعك هالوقت من الشاليه العنود وهي تصيح من قلب : كنت بروح عند البنات محمد :ليه ما بعد دخلوا العنود :لا ويمسك محمد رجولها ويكلم اخته نوف ويقولهم يرجعون و وينتبهون محمد :العنود خلاص يكفي صياح العنود : ما اقدر يعني لو ما جيت انت وش كان رح يصير لي محمد :تعوذي من إبليس مرح يصير شي هذا الان أنا جنبك وأنت طيبه وما فيك شي وفجأة تذكر وقعتها على الأرض وسألها شي يوجعك العنود : لا مو شي قوي زي روعتي بس يمكن ركبتي انجرحت محمد : بكرة بوديك للمستوصف الي بالشاليه العنود : الي تشوفه ومرت لحظة صمت وهم يمشون وفجأة انتبهت العنود ان يدها بيد ولد عمها واستحت من موقفها المحرج وبهدوء دون ما يحس محمد بشي تسحب يدها محمد ما انتبه لان كل تفكيره ان العنود الحمد لله طيبه وما فيها شي . وصلوا الشاليه ودخلها للشاليه وطلع لأن أبوها نايم وعبد الله مر البنات ورح يرجعهم معه محمد وهو طالع العنود : محمد شكرا لك محمد : افا يالعنود تشكريني على وشو هذا واجبي أنا مثل عبد الله أخوك ما بينا شكر ولا شي العنود : بس محمد لا بس ولا شي المهم انتي غسلي وجهك واشربي لك مويه ونامي ولا ما تقدرين تروحين للمطبخ العنود : لا وش دعوه الي مشاني هالطريق يمشيني لحتى المطبخ طلع محمد وراح لشاليهم والبنات رجعوا عبد الله دخل بنات عمه أول شي للشاليه حقهم بعدين مشى هو واخته للشاليه حقهم وشافوا العنود جالسة سارة : وش فيك العنود وليه ما جيتي عندنا عبد الله ما قال لهم شي العنود لما شافت سارة صاحت ثاني مرة وركضت لمها سارة وحاكتها سارة : عنوده وش فيك ليه تصيحين بس هي ما قدرت ترد عبد الله دخل المطبخ وجاب لأخته العنود مويه عشان يهديها وسارة معها تهديها .سارة بعدين عرفت السالفة وهدت اختها وطلعت هي وياها عشان ينومون اما عبد الله فراح لشاليه عمه خالد عند محمد مر اليومين الي باقي لهم للقعدة في الشرقية وأخوات محمد استغربوا بعد ما عرفوا قصة العنود انه ما قال لهم شي ولا عاتبهم إنهم بعدوا عن الشاليه هذاك اليوم لأنه أول يوم يبعدون فيه . رجعوا للرياض والكل مبسوط وبدوا يستعدون لبداية الدراسة العنود و نورة القلق عندهم زاد لأن هالترم مو المدرسات الي رح يحطوا الأسئلة آخر الترم |
||||||
|
|
|
|
08-30-2004, 01:12 PM
|
#6 (permalink) | ||||||
|
شاملي ماحد قدة
|
شكرا لكي أختي الحلى كله على القصة التي في مكانها الصحيح تحياتي لكي __________________ |
||||||
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | تقييم هذا الموضوع |
|
|
 |
 |
| تصميم وبرمجة فريق لمسة فن | المستضيف الرسمي |
| منتديات | دليل مواقع | اقوى 100 موقع عربي | ازياء | شات | شات | دردشة |
| اصحاب كول | افلام | برامج كاملة | دردشة | صور | دليل توتو | منتديات حريم |
| اضف وصلتك | اضف وصلتك | اضف وصلتك | مركز تحميل | إدارات نت لـ تدريب عن بعد | دردشة | شات |
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63
 |
النمط الخطي
