قصه عذاب حقيقيه لا تفوتكم عذاب بعذاب

من يوم كان عمرهه 11سنه وهي عايشه بعذاب عذاب امها لانها كانت تعاملها معامله جد سيئه من بين أخواتها، فأذا طلعوا من البيت كانت تجلسها في البيت وتشك فيها بكل صغيره وكبيره بالرغم ان عمرها 11 سنه وغير الضرب بدون سبب واهمالها وحبها لاختها اللي اكبر منها.
كانت تروح لابو عذاب وتقوله عذاب تجلس مع السواق وكانت تحكي هالكلام لكل اخوانها وخواتها.
وكانت تقول لاخت عذاب الكبيره ان عذاب تكتب لزوجها رسايل حب وغرام.
عانت البنت وشافت الويل اقرب الناس لك تقولك وتطلع عليك هالكلام.لدرجه انه كان قالت لها امها انا ما ادري من اي زباله واي مكان جبتك.

عذاب هي فتاه سمرا رقيقه حلوه طيبه صافيه القلب، منعذابها تعلقت بصديقاتها واي صديقات صديقات السوء فتعرفت على البنات ومن كل الانواع وكل الاشكال فكانوا البنات في وقت الامتحان يطلعون من المدرسه مع بعض لاماكن قريبه مثل باسكن روبنز وهالسوالف فكانت هي محرومه تقعد في المدرسه بروحها ودايما السياره تجيها اخر البنات كانت تقعد بروحها في المدرسه مع حارس المدرسه ووحده من المدرسات.
وكانوا البنات يتفاخرون بحب عيال عمهم وان الكل يحبهم وان كل ماتروح السوق يلحقونهم الشباب.
حست عذاب بالنقص ليش انا محد يشوفني لاني انا اكيد مو حلوه، فكانت تتحين الفرص علشان تتعرف على اي حد من الشباب، وفي يوم كانت تدرس في الاعداديه وراحت سطح بيتهم علشان تدرس شافت ولد جيرانهم فتعرفت عليه والمفاجأه ان ولد جيرانهم قالها عرفيني على وحده من ربعج فعرفته وعرفت ان هي مالها امل حتى انها تحصل عطف من اي حد حتى لو من برع البيت.
وصارت مشكله ان اهل البنيه دروا انها تكلم واحد فالبنيه ما عادت تكلم عذاب فحست عذاب بالذنب وانها ارتكبت جريمه وانه سمعتها بالحضيض.
وغير هذا صديقتها اللي قريبه منها طلعت مع واحد يحبهافعذاب كانت تتكلم مع صديقه كانت تتظاهر انها قريبه منها فقالت عذاب رفيقتي فلانه ظهرت مع واحد فصديقتها نشرت الخبر عن رفيقه عذاب فطلعت عذاب تنقل الكلام وسمعتها سيئه.
تغيرت نظره عذاب للصداقه لما انتقلت المرحله الثانويه تعرفت على بنيه اسمها عاشه وكانت عاشه اكبر منها بس راسبه فكانت معاها بنفس الصف كانت دايما عاشه تحكي عن حبيبها سعيد وسعيد وفي يوم من الايام اتصلت عاشه لعذاب وقالت لها انا متوهقه صارت لي مصيبه لازم تكلمين واحد علشان تنحل سالفتي، فعذاب علشان عاشه كلمت الشخص واتضح عقبها انه رفيق سعيد واسمه عبدالله فكلمته والمكالمات جرت مكالمات وكانت عذاب وفيه وفاء ماله حدود كانت عايشه الحب بكل حلاوته كان هو حياتها ونبضها وكل دنيتها، وطبعا المكالمات جرت لقاءات وهي كانت بحالات سعاده انها حصلت اهتمام كانت تعوض نقص بيتها بعبدالله كانت دايم تشكيله وهو كان بلسم جروحها.وفي يوم عبدالله كان بيسوي عمليه فقال لعذاب تليفوني بيكون عند اخوي اتصلي عليه اذا تبين تتطمئنين علي المهم اتصلت وكلمت اخوه وقام يسولف وياها ويهديها ويغير لها جو وفجأه سألها انتي صج تحبين اخوي قالت له اكيد اجل انا ليش اكلمه قال لها تدرين ان اخوي يكلم بنات غيرك وتبين اسمعك اصواتهم المهم المسكينه كذبته وقام يحلف لها وقالها انه يكلم مغربيه ويطلع معاها وم نهالسوالف فانصدمت عذاب حتى الحب اللي كان بحياتها والامل اللي عايشه عليه تحطم قدامها ويوم اسفهته وقعدت تكلم اخوه علشان تحرق قلبه قال لها ليش وقالت له الاسباب انه يخونها ما انكر بالعكس قال لها اي بس انا ماحب غيرج ولا اتمنى غيرج ومن كلام الشباب هذا المهم عذاب ما قدرت تتحمل راحت شكت لرفيقتها عاشه وكان تصيدها صدمه ثانيه قالت لها عاشه انا ادري انه يكلم غيرك وانا اصلا خليتك تكلمينه بس علشان ما يشغل حبيبي سعيد عني ويخليه يطلع معاه برع .
تخيلوا شكانت حالت عذاب عقب هالكلام اهل ومو معترفين فيها حبيب وخانها وصديقه ولعبت فيها وعمرها ما تعدى 16 سنه شبيكون الحل.

وتعتقدون معاناتها خلصت طبعا لا لانه المصايب كانت تلاحقها.
كلمها اخو عبدالله واسمه سعد وقال لها تدرين انك مو بنت قالت له يعني شنو قالها انتي مو عذرا كذبته قال لها اخوي قالي انه تعرف على بنت صغيره وبنيه وعقب قالي عذاب خلاص مو عذرا، البنيه خلاص هلكت من مصايبها قالها تجين نتاكد فماكان لها حل الا تتاكد على كلامه ونام معاها وتكررت مأساتها لانها خلاص ما تقدر تترك اي شي يذكرها انها بنيه وتحس ومرغوبه مشت بهالطريق مع سعد وكان عبدالله يحاول انها ترجع له بس هي عييت وتحدته في اخوه انها تحبه وانها تبيه، ويوم واجهته بانه افقدها عذريتها انكر وقال لها شوفي انتي شمسويه معقوله بنيه بعمر 16 تسوي شي من هالاشياء، ودار الزمن وابو رفيقتها عاشه ترقد بالمستشفى واخت عذاب تنيمت بالمستشفى تهقون عاشه خلت عذاب بحالها بعد عرفتها على واحد وعذاب قامت تطلع معاه بس بدون ما يلمسها وتعرفت على غيره وصارت الخيانه بدمها بس حبها لسعد كان كذبه وصار حقيقه.ومات ابو عاشه وصارت مشاكل بين عذاب وعاشه.
وفي اخر سنه من الثانويه تعرفت عذاب بعد على بنت اكبر منها لانها راسبه وحكت لها عن حبها لسعد وكيف تعرفت عليه وانه هي برغم حبها له تخونه وانها تحس بالذنب، وفي يوم انقطع تليفون عذاب وماقدرت تكلم سعد فقالت لرفيجتها الجديده واسمها ساره كلميه عني قوليله بظروفي وعقبها بفتره تغير عليها سعد واكتشفت انه ساره قالت كل شي لسعد وانقطع عنها سعد.ماتت اخت عذاب اتصلت عذاب لسعد قالت له ماهتم فيها وعقبها كل يوم وقت العزا يتصل واحد ولما اي حد يرد يسكر التلفون لين يوم ردت عذاب على التلفون وكان عبدالله على الخط وقالها انا دريت انه اختك توفت وعظم لها الاجر وارجعوا لبعض المهم صدمات عذاب مستحيل تنتهي قال عبدالله لعذاب تدرين انه سعد خطب وحده اسمها ساره سالته عذاب ساره شنو قال لها ساره بنت....................

انتهت عذاب لانه ساره هي نفسها تكلم وسمعتها مش اوكيه فتحطمت كليا وصادتها حاله بكاء ما تدري هي علشان اختها والا حبها والا عذريتها والا ضياعها اللي مش لاقيه حد يردها منه.

المهم تمت مع عبدالله فتره وتعرفت على النت وعرفت شباب من النت وقامت تطلع وتروح وتسوي لانها خلاص اقتنعت انه مافي امل ينصلح حالها.

المهم وفي يوم من الايام رفيجتها امل دقت عليها وقالت لها رفيجي سالم زعلان مني كلميه المهم كلمته وتعلقوا في بعض بس ما قالت لرفيجتها واتفقوا على الزواج من عقب ما صارحته بماضيها كله .

المهم تمت معاه 3 سنوات وهي تحاول نعاه انه يتقدم لها وهو يتعلل اكتشفت انه يلعب عليها بالكلام بس وانه ما راح يفعل شي، رجعت للنت وتعرفت على شخص واكتشفت انه مو من جنسيتها وطلعها وقام يهددها بانه يعرف اخوها وهو فعلا يعرف اخوها وهددها وهددها لين خلاص نفذ صبرها وكان يهددها يا انج تطلعين معاي والا اقول لاخوج عنج بكل شي لانه هو طلع عنها كل شي وانتوا اخبر باهل الشات.

البنيه قالت لاحد من اهلها انه في واحد مزعجها ويهددها فوقف معاها لين هدت السالفه اشويوفي خلال هالسالفه تعرفت على شخص من دوله خليجيه وحبته وقطعت عن سالم فسالم كان دوم يهددها فوقف معاها حبيبها الخليجي لين انحلت والحمدلله، ورجعت لربها وعرفت طريقها واخلص لها الخليجي من كل قلبه وهي ترد له الاخلاص بالمثل وعرف عنها ادق التفاصيل بس لين اليوم رغم حبهم ما قدروا يتزوجون الحين عمر البنت 22صارت انسانه مصليه وتصوم الاثنين والخميس وتخاف ربها وتحاول قطع علاقتها بالشاب الخليجي.

بس اللي محدد ضعفها ومخليها قليله حيله انه من بيتزوجها خصوصا انها يوم كبرت صارت حلوه ويوم عرفت طريق ربها الله وفقها واشتغلت وجهها صار منور والكل والحمدلله يتمناها بس تعرفون مشكلتها هي عذريتها مسأله تأرقها حرمتها من كل انواع السعاده تصوروا كل ربعها تزوجوا وعيلوا الا هي تنتظر الله يفرجها عليها كل البنات لما يتكلمون عليهم ويخطبونهم يستانسون الا هي تتعذب وتفكر شلون تتهرب من هالمسأله.
الكل بيقول انها هي غلطانه بس محد يقدر يحس الا اللي يجرب .
تصوروا وحده من وعت وهي تفهم يكلمونها عن شك وغرامياتن مع السايق وزوج اختها وضرب وكل انواع الحرمان لهل وكل انواع الدلال لاخواتها.

انصدمت في ربعا خانوها فقدت عذريتها وما تدري من من وتهديد وكلام كثير ومعاناه وفقدان ثقه شالحل ياناس من بعد ما الكل خانها حتى اهلها ما عترفوا فيها والحين يلحون عليها بالزواج يعني شالحل شلي بيخليها ترتاح.عطوها حل علشان ترتاح علشان تسعد حالها حال البنات وتستانس من بعد هالظلمه اللي عاشتها بحياتها.



اسفه على الطاله

واتمنى تكون مشاركاتي خفيفه عليكم



مع السلامه