جميع النكت ولجميع النكت<<<<هنـــا

مرة واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين





شرطي غبى في الخدمة لقى قرد في الشارع وداه للضابط المسؤول عنه وقاله : يا باشا انا لقيت قرد أوديه على فين ؟
قال الضابط : على حديقة الحيوانات
غاب الشرطي الغبى ساعتين ورجع هو والقرد ، الضابط بيسأله ايه الي رجعك ؟
قاله يا باشا وديته على حديقة الحيوانات ، تحب أخده دلوقتي أفسحه في الملاهي؟






مرة واحد اطرش وقف سواق تاكسي اطرش برده وقاله مصر الجديدة ؟
رد السواق وقال لا والله انا رايح مصر الجديدة
رد الراجل وقال معلش انا كنت فاكراك رايح مصر الجديدة



واحدة ست جالها وجع الولادة اتصلت بامها جت أمها اتصلت بالدكتور ، الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور ، وبص لقي عيل تاني مسكه من رجليه وضربه فصرخ الطفل فاطمئن الدكتور ، بعد كده الدكتور غسل ايده ومشي .. الست قالت لامها انا حاسه بحاجة بتتحرك! كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه




واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة اخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له اتفضل إنت الأول .



مرة مدير شركة مارلبورو قابل مدير شركة كليوباترا فقاله أنا مرة لقيت في السجارة بتاعتكم خشبة ! إنتم بتستوردوا التبغ منين؟ فرد عليه مدير شركة كليوباترا : يعني إيه تبغ .




مره دكتور عظام مشى بليل الكلاب طلعت تجرى وراه



واحد صاحب مزرعة فراخ محمل العربية فراخ و سايق وقفته لجنة و
سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح و البلد مش لاقية تاكل؟؟".

و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة و تسمم الناس؟".

الراجل مكمل ع الطريق وقفته لجنة، الظابط سأل له "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي عايزاه




يقولك فيه حرامي دخل بيت عشان يسرق
وهو يفتش في البيت طلعت عليه صاحبه البيت وكانت تخينه اوي ومسكته ورمته على الارض وقعدت عليه
وراحت تنادي ولدها: محمد انده ابوك من على القهوه
الحرامي قاله بسرعه يامحمد وحياة والدك بسرعة

في أشرطة تباع على قارعة الطرق

مشايخ النكت في مصر يخطبون في الناس بأساليب ساخرة و بذيئــة



تنتشر على أرصفة الشوارع في بعض أحياء القاهرة أشرطة كاسيت لبعض "المشايخ" تحتوي على الكثير من النكات و"السخرية" لدرجة جعلت البعض يطلق عليهم لقب "مشايخ النكت" نتيجة محاولتهم تقليد أسلوب عالم الدين المصري الراحل الشيخ عبد الحميد الكشك.

وترى مجلة "الأهرام العربي" المصرية أن أولئك المقلدين لم يستطيعوا أن يصلوا إلى مستوى الشيخ كشك العلمي، مما جعلها تتساءل في تقرير نشرته مؤخرا عن ظاهرة هؤلاء المقلدين وسر تمسكهم بهذه النكت و"القفشات" التي تملأ دروسهم‏، قائلة "هل هو الافتقار إلي تفاصيل العلوم الشرعية‏,‏ أم أنه فقه الواقع الذي يتحدثون عنه أم هو الخطاب اليومي المناسب لإيقاع حياة مرتبكة وكل شئ يمضي فيها بسرعة لا يمكن التحكم فيها‏

وبحسب "الأهرام العربي" فإن الاستماع إلى درس ديني في الأوقات الماضية كان يعني الخشوع والخضوع والترقب والاستفادة القصوي من تفسير القرآن الكريم أو لحديث النبوي الشريف‏,‏ أما الآن فقد أضحى "اللف والدوران علي لقمة العيش ومتابعة الأحداث وحل المشاكل اليومية قبل أن تتحول إلي مشاكل مزمنة صار هو سيد الموقف‏,‏ فتبدلت لغة الخطاب الديني بالتبعية وصار للنكت".

وعلي سبيل المثال لا الحصر، وبحسب المجلة المصرية، فإن أحد المشايخ "مسعد أنور" يبدأ أحدث ألبوماته بمجموعة من الأمثال يقول إنها تخالف العقيدة ولا ترضي ربنا مثل‏:‏"ما ينوب المخلص إلا تقطيع هدومه أو فلان تور الله في برسيمه‏"، ويعلق على هذا المثل بقوله، "وكأن هناك ثيرانا لله وثيرانا للناس‏".

أو واحد يقول لك‏-‏ والكلام لمسعد أنور‏-‏ الله أكبر‏..‏ أمسك الخشب‏..‏ "طب لو ما فيش خشب امسك في خناقه(أي امسك بعنقه)‏!!‏ وواحد يقول لك راجل لما رجع من الحج‏,‏ الناس وعياله بيسألوه ياعم الحاج عملت إيه هناك‏,‏ فقال‏:‏ ده الحج متعب بشكل‏,‏ دول كفرونا يا أخي‏، أو يقول لك الواد ده لعيب كورة‏,‏ رقص اثنين وثلاثة‏,‏ ده ابن حرام‏.‏

ويمضي الأستاذ مسعد أنور محللا مبينا كراهة أو حرمة هذه الأمثال "واحد يقول اسمحلي يا أستاذ فلان‏..‏ ويلتفت لزوجته يقول له‏:‏ اسمحي لي بالرقصة دي‏,‏ عادي أرقص مع مراتي‏,‏ أنا راجل لارج (أي متحرر باللهجة المصرية)‏..‏ أرقص".. ويعلق الأستاذ مسعد‏:‏ "أنت مش لارج‏..‏ أنت إكس إكس لارج( أكبر قياس للملابس)"‏.‏

ويقول مسعد "اللي يعوزه البيت يحرم علي الجامع‏,‏ ويا مربي في غير ولدك يا باني في غير ملكك‏,‏ مع أن الرسول يقول‏:‏ أنا وكافل اليتيم كهاتين في الجنة‏,‏ وأشار بإصبعيه السبابة والوسطي‏".

ويقول مسعد في معرض حديثه الساخر:‏ "الجماعة المذيعون أول الواحد ما يخطب يقول سيداتي سادتي‏..‏ هنا خطأ في التخاطب الذي يجب ألا يكون بالتسييد‏,‏ فليس كل الناس يقال لهم سيد‏,‏ فالرسول صلي الله عليه وسلم‏,‏ قال‏:‏ لا تقولوا للمنافق سيدا‏".

ويناقش مسعد أنور كذلك لفظا اعتاد الناس عليه في مصر وهو"سايق عليك النبي" أو"سوقت عليك النبي‏" واصفا مثل هذه الأقوال بأنها استخفاف بمقام النبوة‏.‏


بين الإخوة والأخوات

وهاجمت "الأهرام العربي" الشيخ وجدي غنيم والذي له مجموعة من الإصدارات‏,‏ وفي أحد أشرطته يبدأ حديثه بـسخرية،- كما ترى المجلة- قائلا‏:‏ هو الحقيقة الدرس أصلا لأخوات وأول مرة أدرس لأخوات وألاقي قدامي إخوة وأنا ح أدرس للأخوات‏,‏ مش عارف أنا أكلمكم في صيغة الأخوات ولا تزعلوا‏,‏ فلو قعدت قلت لكم‏:‏ اتزينوا للزوج‏,‏ وكل واحدة لازم تشوف بيتها‏,‏ ح تقولوا هو بيكلم مين‏,‏ فعلشان يبقي الكلام واضح من الأول الكلام للإخوات مش ليكوا‏,‏ بس إحنا هانخبط فيكوا شوية من باب إياك أعني واسمعي يا جاره‏,‏ وعايزين تقعدوا اقعدوا انتوا حرين‏.‏

وتحدث في المساواة بين الرجل والمرأة‏,‏ وهو الموضوع الذي تحدث فيه كل المشايخ والدعاة تقريبا‏,‏ وقال‏:‏ اللي قاعدين يقولوا مساواة‏,‏ إزاي تساوي الراجل بالمرأة‏,‏ إذا كانوا هم نساء يقولوا لك مساواة يعني إيه‏,‏ يعني ما تغضش(تغض) بصرك‏,‏ اختلي بها‏,‏ أقعد معاها‏,‏ دي زي أختك‏,‏ وليس الخاسر هنا الرجل‏,‏ لأنه طول عمره رجل‏,‏ هي خسرانة عفتها وأنوثتها وحياءها‏,‏ يوم ماتتحشر مع الرجال وتبقي عادي زي الرجل‏.‏ طب ينفع يارسول الله إن أقول على واحدة زي أختي يقول لك‏:‏ أنت هجاص وكداب وبتستهبل‏.‏

ويتابع غنيم بقوله "هي أختك؟ أمال إزاي زي أختك؟ ينفع آجي علي فلوسك وأقول لك زي فلوسي(اعتبر نقودك مثل نقودي)‏,‏ وآخذ بقي براحتي إيه الهبالة دي‏، وفيه واحد يقول لك‏:‏ أنا ممكن أشوف واحدة ولا أتأثر عادي قول له وأنا مالي ومالك‏.‏ أنا باتكلم على الرجاله (الرجال)‏,‏ اللي ربنا ذكرهم‏,‏ من الرجال أوالطفل الذين لم يظهروا علي عورات النساء‏".


اعتراض على المشايخ الجدد

وقد عارض بعض علماء الدين والمثقفين المصريين طريقة "المشايخ الجدد"الدكتور عبد الصبور شاهين الذي يرى أن هذه الطريقة في الدعوة هي "نوع من العبث وإخلال بوظيفة الخطبة وعدم تقدير لها‏,‏ ويجب أن يكون هناك قانون أو لجنة من الأزهر لفحص مثل هذه الأشرطة".‏

أما الشيخ يوسف البدري فيقول‏:‏ هؤلاء لا يقلدون الشيخ كشك ولا علاقة لهم بمدرسته‏,‏ فقد كان الشيخ عبدالحميد كشك فارس المنبر‏,‏ ومنذ رحل فلم يعوضنا الله عنه أحدا يدانيه‏,‏ لكن الشيخ كشك ترك لنا مكتبة من خطب عظيمة ودروس واسعة تلقفها هؤلاء‏,‏ تطفلوا على مائدته‏,‏ ولم يأخذوا منه إلا أسلوب الإلقاء‏".‏

ويضيف البدري "هؤلاء الدعاة الجدد علي الساحة قاموا بالتحدث في موضوعات يمكنها أن تجذب أسماع طوائف من الناس مختلفة عن طريق الترهيب الشديد أو الترغيب الكبير أو الفكاهة المسلية‏,‏ لكنهم استطاعوا بالعامية القحة أن يفهموا من يستمعون إليهم أن ما هم فيه من تخلف سببه البعد عن الآخرة والإقبال علي الدنيا‏,‏ وظلوا يضربون علي هذا الوتر بأسلوبهم‏".‏

أما الشيخ عبد اللطيف منصور، فيؤكد أن هؤلاء الدعاة الجدد يستخدمون مهاراتهم وحسهم الساحرين في جذب قطاع معين من الناس،‏ إما لأنهم لا يجدون الوقت للإطلاع والبحث‏,‏ وإما بسطاء‏,‏ ثقافتهم محدودة وإما مهمومون بشواغل الحياة الدنيا‏,‏ "وهذه القفشات ستجعلهم يبتسمون ويقبلون على أوامر الله من بوابة جديدة ويبتعدون عن نواهيه من بوابة أخرى‏,‏ لذلك فلهم الفضل وحسن الجزاء إن شاء الله"