روضة التنهات 6.7.8 / 12 / 1427هـ

بسم الله الرحمن الرحيم

السلام عليكم ورحمة الله وبركاتة

كل عام وانتم بخير

كيف حالكم وش علومكم ؟

يوم الثلاثاء الموافق 5 / 12 رحت لروضة التنهات وانا ومجموعة من الاصدقاء << حلوة الاصدقاء حسيت اني مثقف

طبعاً الرحلة ماقررنا الا الاثنين في الليل قالوا وش رايكم في ... قلنا يالله عددنا 5 اشخاص معنا سيارتين (( شبح ولكزس )) << مايعرف ينصب حتى السيارات مايعرف يختار خخخ

مدة الجلوس في الروضة 3 ايام



اقدم لكم معلومات بسيطة عن الروضة :

وصف المكان :-

روضة جميلة جدا، وهي من أكبر الروضات، وتحيط بها رمال الدهناء من الشرق، وتصب فيها العديد من الأودية وأهمها الشوكي والطيري والعتك والودي، وتكثر فيها أشجار الطلح والسدر، وتتنوع فيها الزهور في موسم الربيع.

وصف الطريق:-

طريق الروضة، يبدأ من طريق التخصصي شمالا، استمر على نفس الطريق، سيأتيك دوار عنده صفر العداد


استمر شرقا على نفس الطريق سيأتيك دوار آخر استمر على نفس الطريق، وعند العداد 10 ستجد مفرقا يتجه يسارا إلى (الجنادرية - التنهات - الصمان) اتجه معه جهة الشمال


استمر على هذا الطريق حتى يشير العداد إلى 74، عندها ستجد مفرق (حفر العتش- الطوقي- الصمان) على اليمين، اتجه معه شرقا وبعد صعودك الجبال، ستأتيك لوحة تشير إلى أن الطوقي إلى اليمين وحفر العتش إلى اليسار اتجه إلى حفر العتش


استمر على الطريق حتى يصبح العداد 170، ستجد لوحة تشير إلى أن روضة التنهات إلى الأمام بعدها دوار


اتجه إلى التنهات واستمر حتى يصبح العداد 185 تقريبا، هنا ستكون الروضة على يسارك
الوصف :




طلعنا من الرياض الساعة 8 وكنا مقررين نطلع الفجر بس زي منتم عارفين ان السعودي مافية امل يجي على الوقت ههههه

وصلنا تقريباً الروضة الساعة 11 وانا في الخط نايم (( مسعبل بعد )) << احس البنات يقولون يا وصخ هههه

يوم وصلنا طقينا الخيمة مقاس ( 4*5 ) << ترى مدري وش مقاسها بس احس انة صح ههه

صورة للخيمة قبل الطقة




نصيحة : اذا جيت تطق الخيمة لا يخلونك تمسك العمود << مجرب ههههه


يوم خلصنا الخيمة هذي صورة لها




عاد يوم خلصنا طاقينها وانا ادور مرقدي (( فراشي )) وانوم لي الين الساعة 4

الساعة 4 : وقت الغدى

وانا نايم وصيت واحد من الربع انة يصور الغدى وهو يطبخ

يوم حمسوا البصل والطماط حطوا اللحم ( بعارين )



وعقب مدري كم دقيقة استوى



بسم الله << توة قايم يبي يأكل



^
^

قلت خلونا نعزم اعضاء المنتدى بس عيوا علي خخخخخ << والله مافكر فيكم



الكلام هذا يوم الثلاثاء ماتعشينا ها اليوم ماتعشى الا اناعشاي كان :

بطاطس محطوط في قصدير ومنطول في الجمر لمدة مهب طويلة << مايدري كم قعد وهو يسويها

<< نسيت اصور لكم البطاطس

طريقة تصليح البطاطس

بطاطسة تقوم بتغسيلها << ترى ما غسلها يوم جاء يصلحها

ثم تلف عليها قصدير

ثم تحاول انك تذبها من بعيد في الجمر << وش الحكمة من انك تذبها من بعيد :

عشان تشوف انت تعرف ترجم والا لا هههههه


اليوم الثاني : يوم الاربعاء ( صباحاً)

وقت الفطور :

الساعة 7 << ترى مو متأكد من الوقت

صلح واحد من الربع شكشوكة << وانت ماسويت شيء ابد << لا

صورة للشكشوكة



وصلح واحد ثاني من الربع شاهي << طبعاً الى الان الاخ ماصلح شيء



ويوم زهبت الشكشوكة حصلت مشكلة كبيييييييرة << مسوي ابشدكم

المشكلة هي : ما معنا خبز !! ؟

وش الحل :

الحل انك تجيب ملعقة وتأكل الشكشوكة بها << مثل اخوي الصغير ههههه

طبعاً بدون خبز منتب شبعان وفي البر اهم شيء بطنك هههههه << اهم شيء بطنك انت بس خخخخ

قلنا مافية غير بسكوت الشاهي ( اولكر )



طبعاً هذا يوم جاء خوينا يشترية من بندة قلت لة انت تبي تأخذ اخوك الصغير معنا يوم انك جايبة << مارد علي يوم قلتها بس ابتسم في وجهي وجاء الرد في البر هههههههه


عاد عقب ما افطرنا جايبين معنا نعناع وصلح لنا واحد من الاصدقاء << الان ماصلح شيء





ومع النعناع صلح خوينا كافي << مافية شيء ماسووة في الروحة حقتهم خخخخ







ادري تقولون وش ها الصورة ،، ابقولكم وش سالفتها

وهو يصلح الكافي قلت لة اصبر خلني اصورك وانت تكب النسكافة قال لا منب صابر وانا اللي القطة وهو يصبها <<< يا خطير ههههه


وهذي صورة الكافي يوم زان



طريقة تصليحها

تفوح موية وتحط فيها نسكافة وحليب السعودية << انظر للصورة تحت الكلام هذا << ماجبت جديد


[IMG]www.al9da.net/mo/A10.jpg[/IMG]

جت حزة الغدى

المهم اني قايل لهم اني ابقطع الدجاج انا عشان تصوروني << بس قدام الكاميرة بيطلع ههههههههه

وحست الدجاجة ويالله قطعت الجناح وكرشوني وقالوا لي انت بس وثق الرحلة << وانا اللي تطلع ذيك الابتسامة اللي وش كبرها يوم دريت انهم مايبوني اشتغل ههههههههه

صورة لتقطيع البصل والطماط << طالعوا الطماط وشلون مقطع بس << اشوا انة مهب انا خخخخ



وهذا صورة الغدى يوم استوى << شوفوا الثوم والبصل << طلعت مصاريا هههههه




ما شاء الله تبارك الله الطباخ لو يشتغل في اي مطعم صدقوني ان يشتهر << شهادة اعتز بها < < مهب انت الطباخ << اية داري اني مو الطباخ بس ارد على نفسي << لا تشرهون علية مانام زين وحالف انة ينزل الصور لعيونكم اليوم هههه

الرحلة فيها انواع الترفية ،، بعض الترفية مايخطر على بالك

واحد من الاخوياء شاري ايام عيد الفطر شروخة وحركات حلوة المهم انة ما شبها من شراها << مدري لية شاريها الظاهر انة موزيها للرحلة ذي خخخخخ

المهم انة شبها خخخخ



شطحة بعيدة شوي ، صورة سيارة طالعة معنا ،، الله يحفظة من عيون الحساد




بعد ما صلينا المغرب والعشاء كان معنا نذرة وصلحنا لنا نذرة << تصدقون حتى الذرة مهب انا مسويها خخخخخخخخ




يوم جت الساعة 11 بعض الاخوان جاهم النوم وقالوا نبي ننوم ولا نبي عشاء قلنا نوم العوافي يا حبايبي

وانا بطني بداء يحرني جعت هههههههه

قلت للشيف حقنا وش رايك في ...............

<< يبي يشدكم

نصلح لنا مشوي ،، نتبل الدجاج احلى تتبيلة ونشوية قال قدام

وحنا ثلاثة وقلنا مانبي ننوم وحنا مليانة بطونا خلونا نأكل شوي

ونطلع لنا دجاجة واخوينا اللي راحوا ينومون قبل ماينومون دخلنا عليهم ويوم قلنا لهم الفكرة قالوا خلاص هونا مو نايمين نبي عشاء خخخخخ

ونطلع زود دجاج

صورة للتتبيلة



ويوم حطيناها في الشبك وحطيناها على الفحم



وبعد مدري كم دقيقة او ساعة استوى الدجاج



قولوا ما شاء الله

شطحة بعيدة شوي



اكيد تبي تكون ردة فعلكم وشولة مصور لنا طمب !! ؟


مصورة لان حصلت علية سالفة ،، ابقولها لكم

يوم تتغديت يوم من الايام << معد يدري اي يوم

رحت اتمشى انا وصديقت عمري << احس ان عيون بعضكم بدت تطلع

ترى صديقت عمري الكاميرة هههههههه

اقوم بتصوير بعض الاشجرار والربيع وساعة الصدر لقيت لي ها الطمبين وشلتها معي

يوم وصلت قالي واحد من الاصدقاء ياخي انت شايب اذا رحت لازم تجيب معك شي حتى لو ان مامنة فايدة << وانا اللي ابتسم لة ولا ارد علية << قوي خخخخخ

وعقب نص ساعة يوم طير الهواء الفرشة وقعد يلاحق فيها ويوم مسكها حط عليها الطمب اللي انا جايب ههههههه





شطحة ثانية

انا ماسك الكاميرة 24 ساعة << حتى ذاك اليوم نايم بها ههههههه

واطلقوا علي لقب الفلبيني هههههههههه

الا صدق ورى الفلبينية 24 ساعة معهم كاميرة ههههههه << اسأل نفسك خخخخ






نكمل ماتبقى من المسلسل البدوي << متأثر بالقناة الاولى

يوم الخميس : وقت الفطور :

ونصلح شكشوكة وتونة والثالثة مدري وشيء بس ابعطيكم الخلطة << صاير طباخ خخخخخ



اللي مدري وش اسمها هذي طريقتها

جبنة البقرات الثلاث وبصل وطماط وزيت زيتون << اي شيء يسونة لازم بصل وطماط خخخ

وتقوم بخلطها بإصبعك << على حسب اذا صار عندك ملعقة نظيفة اخلط بها اما اذا صارت وصخة الاصبع افضل خلاط خخخخ << ترى ما خلطنها بأصابعنا بس اعطيكم اقتراحات خخخ << يازينك ساكت بدون اقتراحات

وقت الغدى



اكيد الكل يقول ياوصخين وشذا وراكم حاطينة في حق الموية ،، انا اقول لك لية حاطينة

اولاًً / برودة الجو هذا اليوم ولا احد فاضي يقوم بالتغسيل حطيناه في هذا

ثانياً / ما معنا موية تكفي خخخخ << نقدر نشتري بس محد فاضي يروح خخخخ
**

بعدما انحمس البصل والطماط حطينا الدجاج



.... الغدى مكرونة .... << ما شاء الله عليكم انواع التنويع ههههه

المكرونة هذي حطينها فيها كل شيء << اشياء ماتخطر على البال ههه

1) دجاج
2) بصل
3) طماط
4) ثوم
5) بطاطس
6) باميا
7) كوسة

^
^
^

ما شاء الله كل هذا حاطينها

الكوسة والباميا والطماط والبصل والثوم ماعت (( اختفت )) خخخخ




خلاص انتهت الرحلة <<< ياهو باقي صور يالله كمل << اوة معليش نسيت زبدة الصور خخخخ << زبدة والا بصل وطماط << لا تشرهون علية كل الايام اللي راحت يأكل بصل وطماط ههههههه