مواقف.... رايقه.... لا تفوتكم

هذه بعض المواقف التي حصلت لبعض الناس في بعض الايام في بعض الاماكن....ارجو انها تحوز على رضاكم واستحسانكم....
*-طالب جامعي.....
هذا مره بجامعة الملك سعود, أبواب الجامعه الخارجيه للكليات زجاج , المهم في ذلك اليوم الاغبر,,كان عندي محاضرات من الصبح الى الساعه 2 الظهر,,طلعت من المحاضره الساعه 2 دايخ وماشوف شي اتجهت للباب الخارجي ,,,ماشي طبيعي وما دريت الا ذاك الصوت طعععععع ,الا يوم صدمت الباب الخارجي الزجاج بوجهي,,شلون مادري والله نسيته,,طاح العقال والكتب واحتست والخشم راح فيها,,التفت الا السكيورتيه ميتين من الضـحك,,,جمعت اغراضي وغادرت الموقع فوراً....
.*-تطبيق واقعي.....
وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!
.*-براءة.....
رن هاتف المنزل وردت اختي الصغيرة .. وسالتها المتصلة : وين الوالدة ؟ قالت اختي وببراءة : ماعند احد والد اليوم…

.*-كرمxكرم.....
يقول واحد عزمنا أقاربنا في الشرقية ومن باب الكرم حطينا في العشاء طبقا من الاطباق ( عبارة عن روبيان طازج مشوي غير مقشر ) شاف ولدهم الصغير هالطبق وقال : يمه _ ووووع _ حاطين في العشاء صوارير .

.*-توني شارب.....
يقول واحد مرة جلست جنب جدتي وهي عجوز كبيرة وأعطتني ميراندا .. وقالت : خذ افتحها ، قلت : لا تكفين توني شارب
قالت : خذ افتحها لي أنا !! وقتها ضاع وجهي وقلت : الحمد لله أني ما فتحته وشربته .

*-بدون تعليق.....
دخل أحد أقاربي بيته ولقى زوجته متلحفه في الصالون .. وبغى أن يمزح عليها قرب من عندها وسحب اللحاف بقوة .. ولكن وياللهول طلعت الشغالة !!

.*-مستعجل.....
كان السكرتير جالس في مكتب المدير .. اتصل واحد ( يبغى المدير ) رد عليه السكرتير وقال له : المدير في دورة المياة (الله يكرمكم ويعزكم).. فقال المتصل : كم التحويلة !!
*-وين احط المفتاح.....

.؟ تخيل يخوي، أنك في يوم من الأيام لابس (وكاشخ) (والشماغ محقون نشا ) ثم تكتشف وأنت في السيارة أنك لبست الشماغ على فنيلة وسروال سنة( يعني نسيت تلبس الثوب)....عاد انا ابغى الجواب ...هذا الموقف حصل لاحد الشباب اللي اعرفهم...بس مانيب قايل وش سوى هو.....
على العموم ارجو انها تحوز على رضاكم .....


يوووووووووووووووه
تحياتي