مسسسسسسسسيكم الله بالخير جميعا
واااو من جد .. مبطي الواحد ما كتب موضوع ...
ما ودي اطول عليكم بالحكي .... ها الموضوع يشكّل بدايتي بعالم الكتابة بالمنتديات ومن أوائل المواضيع
اللي ادرجتها .... بعالم النت < -- يموتون فيه البني وهو مغرور ....
طبعا نزل ها الموضوع زمان بمنتديات ثانيه ... منتدى الشله والاقلاع .... ومن باب حفظ مواضيعنا .. بشكل شخصي لي
... ومن باب ان نصب .. اولى بها المواضيع .. وشريحه كبيره ما قروه .. يشرفني انزله مره ثانيه
هذا من جهة ... طبعا للي بيقرون الموضوع بيلاحظون .. عيوب بالاسلوب .. والسيناريو .. وهذا شي طووووبيعي
لاني كنت في بداياتي .. ما كان فيه ذاك النضج وما حبيت اعدل فيه واعيد كتابته بشكل احلى ومتقن اكثر .. لانه من جد ... شي احبه هيك خخخخخخخخخخخخخخخخخخ
< ----- اقول انت بتكتب موضوع والا ننام ؟؟
===================



اللي قد قروا ها الموضوع من ربعي القدامى ... ما يمنع .. تردون خخخخخ اخاف ما احد يعطيني وجه
... وللي قروه ... احتمال تنزل .. طبعة جديده .. قصة ثاني ديت < --- راعي طويييله ابو الشباب تسن وده يسولف

=====================



لرؤية جيده لها الموضوع ... ودي يكون اخر نشاطاتكم بالنت والشات اقروووه اوف لاين ... ما نبي نطفركم ادري اغلبكم مشتركين .. ساعات خخخخخخخخخخخخ < -- تكفى يا السنوي
====================




قصّة اول ديت لي بحياتي



8888888888888888
متفقين معي اننا كلنا شباب نحب المتعه نعشق التجربه ننبسط
بالمغامرات نتفنن بالغزل نكحل عيوننا نتنافس بعدد البنات اللي
نكلمهم بالتلفون او جوال او البيجر ( بدت السخافه ) .........
الين تعرفنا على الانترنت ... الشات... الايسيكيو .. النت ميتنج
الماسنجر .. اين ... الياهو ... افضل مائة موقع (وش يبي ذا )




انا مانيب راعي بنات ... انا راعي غنم بصراحه عند الوالد في الديره ... بس حصل لي موقف بالانترنت ... ااااااااه اااه اااه
انا طبعا كنت تسيف الحاااال بها النت ... اول احسبه شروخه والا مخدرات وما كنت اعرف له
انا ما كنت اعرف الا اني اميل عقالي واحط عود اسنان بثمي وابد امتر ها الاسواق .. وما غير ( تاخذين الرقم يا بنت ) يعني من جد ما فيه اسلوب ابد ابد اي نعم احب اغازل البنات وارقمهم ..بس بالقوه ... متعود على ترقيم بنات الديره ( البدو ) بالكنود ..وما غير ... ارقام بجبهتي وظهري وكتوفي 38 ,39 ,40,41 مقاسات كنادرهم ( كنادرهم ؟؟ وين يا عمي داخل سوق والا ملعب انت ) اقصد جزماتهم او جزماتهن علشان ما يزعل علي ولد خالي مدرس عرب اشغلني بنون النسوه ...انا ...كنت اكلم بنات بس محولين لي من ربعي .. لاني ما اعرف ارقم ... اعرف اتطارح ... اتسابق... اذبح ......اسلخ ....اطبخ ... بس ها العلوم .. ما لي فيها.. وشي طبيعي احب الصوت الناعم .. بالتلفون ... انا شكلي مهوب شين .. حليو.. الا حلو حلو ؟؟ والله اني اهبل .. وش زيني ( جتني حالة الزين بالحيل ) المهم واحد من ربعي شاف حالتي وحب يفزع داري اني قابل للخراب بس ابي
احد يوجهني .. ووجهني للانترنت..الشات .. البنات ..الفله .... الاستراحه .. الشقه ..( ابوي راعي عقار لا تشرهون علي ) اللللله ..شي حلوو .. تكلم بنت تسولف معها على راحتك .. لا هنا هيئة ولا
اجار بي ام تشوفك فيها بالشوارع .. .. عطاني الماسنجر حقه كله وقال ابد هو لك . طبعا هو يتاغر بنات من جد .. ان عطس طاحت وحده جداويه من كم ثوبه (احووباك يا قليبي) < -- يا زينهم صدز وخف دمهم .. وان مسح خشته طاحت وحدتن من اهل الخبر .. (وااو وحياتك .. احبك ) < -- اروح كشنه معهن
وان التفت .. طاحت وحده من بنات الرياض ( تدق وتصكر خخخخخخ ) ما علينا .. عطاني ها الماخوذ وبديت ادهر.. اكلم ذي واهاوش ذي واقهر هاذي .. واشبك ذيك .. واحاول مع ذي فويس واتوسل بذي تاخذ الرقم ( طبعا ارتحت من التتفيل ..الصطرات.. الجزم... قولة اعلم اخوي ابوي ) راس مالها تقول لي ( تايبنج) ( انت سخيف تدري ؟ ) وتروح... طبعا .....صعبه تقول لخويي غير كذا .. بصراحه ما ارتحت للوضع على كثر البنات عنده ... حبيت اجيب ( بمجهودي ) .... وفعلا رحت لموقع شات اعتقد انه المايكروييف شات .. (طولت عليكم صح ؟ اعذروني )المهم وانا قاعد اتصافتز انا وهذا واتطلب هذا ( صور طبيعيه ) لووول ... وارسل لهذا .. وارسل لذيك .. صادفتني وحده جاتني ويسبر وقالت : ( مساء الخير ) انا طاحت خشتي بالقاع وانمط لساني صار كنه درج يوم سمعت صوتها ( لاحظوا ان المايكروييف شات مافيه فويس ) قلت مساء الفل والطحينه وشاورما الصاج .. مساء الكمون والسنوت >>مساء النصر والهلال .. بدت تسولف .. وانا اسولف .. تضحك وانا اضحك .. ترسل صور طبيعيه وارسل صور طبيعيه .. كلامي اعجبها كثير ....لاني اول مره اكلم بنت بدون نية ترقيم .. مجرد سوالف معها وبس طلبت تضيفني بالماسنجر .. ( نصاب انا اللي طلبت منها خخخخخخخخخخخ ) وفعلا بعدها صرنا 25 ساعه يوميا سوالف .. عن دراستنا .. اهلنا .. وش تغدينا وش صار لعمها اللي يدور وظيفه .. وشلون تركت بنت خالها خويها .. قالت لي عن تجاربها بالحب والقريض والفستق ... والكاجو وصلنا لمراحل حساسه نوع جوالها .. مسجاتها .. تقول لي عن النكت اللي عندها بالجوال واقولها عن نكتي ( طبعا كنت جنتل ما طريت ترقيم ) وصرنا على ها الحال .. شهرين الين تعلقت فيني وتعلقت فيها من جد .. حبيتها لو حتى تكون فرضا عبدة... وش اقول لكم ؟؟ لو طاحت من سطح بيتهم في الجراديه اشتغلت وسايدها الهوائيه الاير باك ( براطمها ) وما جاها شي وتيقنت انها بتحبني حتى لو اني تكروني اغسل سيارات بالعيد عند الحله يعني حبيتها مره مره وحبتني موووت قالت لي ودي اسمع صوتك ادري بتقول عني صايعه بس ما ادري وش اقول لك لازم اسمع صوتك فويس ... من الخمه ما عاد جمعت ..عطيتها دعوه زواج بنت خالي وامعطها منها ثانيه قلت معليش بالغلط خذي دعوه الفويس هاذي .. وقبلتها .. نسمع اصوات الكي بورد بس ما احد منا تكلم
سمعنا انفاس بعض تلهث بحراره كلامنا اللي ينكتب تقطع وما تحملت قلت لها الو .. قالت لي هلا .. والله غمضت عيوني من روعه صوتها ... قلت .. هلا وغلا اخبارك... قالت .. والله تمام انت شلونك ... هي قالت شلونك استنفدت كرتونين مناديل امسح خشتي من السعابيل .. غمضنا عيونا وجلسنا نسولف ثلاث ساعات ما حسينا بها ( يا نصبك ام ها السيرفر بيخليك ثلاث ساعات ايييه انصب عليهم ) صرنا نتواعد باليوم ست مرات نسينا التايبنج .. كله فويس اطرب
لصوتها .هي وتنبسط لصوتي ( بدون تعليق ) جاتني فتره اكتب اسمها على محاضراتي وتكتب اسمي على كتبها اقصد فيها وتقصد فيني خليت ايميلها يشتكي من لوعتي عليها بالكروت وخلت ايميلي يغص بانواع الشوق واللهفه. قلت لها ترى باسافر جده وما راح ارجع قبل اسبوعين قالت من جدك انت تبيني اموووت ؟؟ قلت يا قلبي والله مو
بيدي .. قالت واذا اشتقت لك وش اسوي ؟ قلت .. امممممم ؟؟ تكلميني فويس .. قالت شلون بتدخل النت ؟
قلت لا .. باكلمك فويس بالجوال وش رايك؟ سكتت ... وانا خفت ما دريت الا وهي حاطه رقم جوالها ... واسجله بالعكس من الحماس قلت لها ترانا مجانين .. قالت اروع انواع الحب ما تطلع الا من مجانين .. البنت كانت هااي بحكيها بفكرها اكبر من عمرها بكثير بدينا نكلم بعض .. على الغدا .. على العشا.. وقت الشغل .. وقت الفراغ .. اكلمها وانا اتابع المباراة تكلمني وهي جالسه تسوي حلى لصديقاتها بالجامعه .. تخيلوا .. ارتبطت ارواحنا بشكل فظيع فظيع ... صرت ما اقدر على فراق صوتها ساعتين على بعض وهي احينا تغيب عن جامعتها علشان تكلمني .. لو دقت علي بالمحاضره
استأذن الدكتور على انها مكالمه مهمه .. تخيلوا ؟؟؟؟؟؟؟؟؟؟؟ ( هيه انت تراك بمنتدى صرقعه .. استهبل شوي لا بالبياله )

تطورت العلاقه .. ما يمر عيد الا اهديها.. ما يمر يوم ميلاد الا وتهديني .. ما يمر وايت الا ونوقف نحتريه يمشي علشان نقطع..
ما نقطع الا ويسجلون علينا في البلوت بسراها وصنها ( يسمع بالبلوت) وجلسنا على ها الحال امتلت غرفتي بهداياها وصارت ما تعرف تنام الا وهي حاضنه دب كبير ناعم محفور وسطه (i love u ) اهديتها اياه بعيد ميلادها العشرين.. الين قررنا نشوف بعض انعمينا .. من جد غيرتني ها البنت من راعي بنات باللي هي به
الى انسان جنتل بتعامله مع الجنس اللطيف دسنا على العادات والتقاليد اجبرنا الظروف ما اجبرتنا ... واتفقنا نتواعد عند
محل بالفيصليه ... سبقتها وانا داق الرسم والاعمال الفنيه من عقال مايل وعود اسنان الى شعر ناعم مدرج تمام وسكسوكه تحكي
وبشره تعكس النور اعميت خلق الله ( لا تخافون لابسين نظارات شمس) من ثوب كله بقع زيت .. ومرق .. وباميه .. ومصقعه .. وعصير فراوله ... وانواع الخرايط عليه .,.. الى جنز غالي .. وحزام فضي ... وقميص .. يبين مناطق التعضل بجسمي ... من جد كنت واحد ثاني ... دخلت السوق .. وبدل ما ادور البنات .. حسيت بعيونهم علي .. اقصد عيونهن علشان ما يزعل ولد خالي مدرس العربي ... < -- ني ابو ناصر خخخخخخخخخخ
تعرفون نون النسوه الله لا يخلينا .. اللي تصدمني بالغلط يا حرام واللي تسألني عن المحل الفلاني وينه فيه .. واللي تتبسم
وانا من جد .. حاقرهم .. انتظر فتاتي المدلـله .. اسيرة قلبي وحاكمه خيالي ووجداني .. انلطعت وما جت .. وانا اللي ادق عليها قلت وين الحلوين ؟؟ قالت انت اللي وينك..؟؟ قلت بالموقع قالت .. ما خبرتك تكذب ... ؟ قلت .. لالالا يا (...) حررررره منيب معلمكم ان اسم خويتي غادة انقهروا ).............. ( ملاحظه اثناء كتابتي لها الموضوع جعت وبانزل اسوي لي اندومي)
(عن اذنكم ثواني ) عدنا ..........
قالت يا رجال والله اني عند المحل ,., متأكد انك بالفيصليه ؟؟؟؟ قلت يا شيخه والله بالفيصليه وما دريت الا ووحده تقول للثانيه يوه
قرف ها السوق خل نروح للفيصليه بس .. واحط يدي على السماعه واقول لخويتي برب ... قالت لي تيت ..قلت لو سمحتي اختي اكلمها >>شافتني رزه قالت سم امر .. قلت بتروحين للفيصليه؟؟ قالت لالالالا
بدا الغلط وانا اقول الولد جنتل .. قلت اقول والله مضيع وش ذا سوقه ... قالت منتب صاحي ما تعرف سوق مكه ) !!! وشو؟؟ طول ها الوقت بسوق مكه ؟؟ :ekk: ( والله ما تنبلع يا الصعب ) ( خخخخ ادري ) وااو وشلون وصلت هنا ؟؟ سوق مكه عاد ... واخفف عن نفسي اشوى انها مهيب اوشيقر ..الله يلعن ابليس... ذكرت اني لاحكت بيجو فيها بنات الين وصلوا سوق مكه على اساس ارجع للديت حقي .. ونسيت عمري وانتبهت لنفس لوحة المحل .. فرع ثاني ( صفقني مكه والفيصليه ) وارجع اكلم حبيبتي .. واااو حبيبتي سوري .. ثواني وانا عندك .. وفعلا كنت ماسك الشولدر ( الكتف) بطريق
الملك فهد الين وصلت للفيصليه .. دقايق وانا عند المحل .... واسمر بمكاني ما اقوى اتحرك وتمغصني مصارين قلبي .. شفتها .. .. ايه في الجمال ... كانت بقمة جاذبيتها وهي تتأفف من الملل
لانها تنتظرني .. قربت .. وحلوتي تناظر ساعة يدها .. وتحاول تدق علي جوال .. وانا مبهور بسحرها .. الين جيت جنبها بدون ما تحس دقت علي ويرن جوالي عندها .. ارتاعت وطالعتني .. وما صدقت ان
ها الصدقي هو انا كنت راسم لها صوره مررره مو حلوه عني علشان ما تنصدم بشكلي لو كان مو مره حلو .. حطت الجوال باذنها وهي مو مستوعبه.. متوقعه واحد دق جواله بالصدفه .. رديت عليها وانا عندها قالت لي الصعب وينك ؟؟ قلت لها .. انا مقابل اروع واحلى واكشخ بنت بالرياض .. طالعتني ولفت جسمها وشبه ابتسامه على وجهها .. وانا محافظ على ابتسامتي ومستمر اكلم جوال مع انها قدامي .. وقلت ليه الحلوين ساكتين .. ما دروا اني مشتااق لهم بالحيل ... اعد الدقايق والثواني علشان اكحل عيوني بشوفتهم ... واعبر عن لهفتي بهم .. هي نزلت جوالها .. وعطتني بسمه ولا اروع .. وهيي تتأمل فيني وانا مستمر ماسك الجوال واحكي .. حلوتي وين تبي نطلع له ... ؟؟ قالت .. الصعب وااو انت الصعب .. قلت ايه يا عيون ودنية الصعب .. قالت مو مصدقه قلت .. اقول مو وقته افلام ابيض وكحلي مشينا بس ...
وفعلا ... ركبنا سيارتي وكانت بفتحة متسلفها من السكسوكه ودعسنا .. واحنا بالطريق ... والعالم هاديه من حولنا كان الجو وسط السياره من ابدع ما يكون .. سوالف .. حب .. كل واحد يعبر عن اعجابه بشكل الثاني... ضحك .. تذكر مواقفنا وحكينا بالجوال ما خلينا مكان ما رحناه ... ضحكنا كثير .. وقفت اعبي بنزين
ويوم عبى الهندي .. دعست وانحشت مع ان الخير واجد بس حبيت اسوي اكشن لاني بصراحه ما قاومت ضحكاتها من اللي صار .. رحنا لطريق مظلم .. وانا امشي بشويش .. فجأة نزلت طرحتها وطلع لي شعر ليلي طويل ادوخني ريح طيبه وطلعت راسها من الفتحه وصرخت باعلى صوت .. والطريق مظلم وفاضي .. ( احبـــــــــــــــــك) ويديها فارشتها ... والهوى يلعب بشعرها .. انا ما تمالكت نفسي طلعت راسي مع راسها ( اخر مره سويته يوم شجعت المنتخب) وقلت
وانا اموووووووووووووووت فيك .. قالت : الصعب السياره؟؟؟؟؟؟ وانتبه ان السياره قامت تلعب ... واحاول اسيطر عليها بس خلاص فقدت السيطره .. نسيت السياره وذكرتها حاولت اسحبها من الفتحه
لكن ما دريت الا حافة الطريق قدامي ( على جرف وادي ) .. والسياره تلعب بنا يمين يسار ... والبنت تصارخ وتصيح من الروعه وماسكه يدي .. وانا ظلمت الدنيا بوجهي .. شفت الموت.. حسيت ان عزرائيل متكي على جرف الوادي يشر لي ... وااااااااو ضربت فرامل .. فجأة تقلبت السياره ... ما خلت جدار ما صكت فيه حسيت بضربه على راسي .. وما دريت وش صار .. وغبت عن الوعي ...

بعد فتره .. فتحت عيوني .. ولقيت دكتورين وضابط شرطه والوالد عند راسي ... ابوي تبسم .. وقال الحمد لله على سلامتك يا ولدي قلت له : الله يسلمك يبه .. تحمدوا لي الموجودين بالسلامه ...
وانا مو معهم ... وبديت انطق باسمها مثل المهبول .. قال الوالد يا ولدي : من ها اللي معك ما تخاف الله .؟؟؟؟؟ قلت يبه
صفقني اقبرني بالحيا ... بس طمنوني عليها ... وين هي فيه باي غرفه ؟؟ ابي اشوفها ... نزل الوالد راسه ... الدكاتره طلعوا من الغرفه ضابط الشرطه يقول : انا لله وانا اليه راجعون ..... تحجرت الدموع بعيني ... انهرت .. بديت ابكي بدون صوت ...
انوح بدون دموع ... وجسمي يتنافض بقوه ... ماتت الحبيبه ؟؟ ماتت الغاليه ... ؟ ماتت العزيزه ؟؟ ما راح اسمع صوتها خلاص؟ ما راح تقول لي بالجوال : قل لي احبك ؟؟ ما راح تقول لي وش اخر مقالبها بدكتورتهم ؟؟ ما راح اسمعها وهي تغني علي خلاص ؟؟ لالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالا
لالالالالالالالا
وابدا اصيح بقوه والدموع تتسابق .. ابوي يحاول يمسكني الضابط ينادي على الدكاتره .. وانا اضرب هذا وادف ذاك واركض زي المهبول .. بالمستشفى .. ( ما ماتت حبيبتي يبون يروعوني بس) يبوني اتوب وما اكلم بنات .. والله العظيم ما عاد اكلم .. والله ما اقعد بالنت .. بس قولوا لي انها متعوره بس .. قولوا لي بغرفة الانعاش .. بس ما بعد طلعت اطهر واحب روح لقلبي .. الله يخليكم سوا اللي تبون .. اسجنوني .. احرموني شبابي .. بس هي لا تموت .. واسمع ابوي يقول استغفر ربك يا ولدي .. اذكر الله ومرت شريط ذكرياتي معها بسرعه كانها رسالة توديع من اغلى ناسي حسيت طيفها يتلاشى وبسمتها تذوب ... رحلت عني .. وانا السبب انا المجرم .. انا الحقير .. انا اللي قتلتها .... طحت على ركبي ... منهااار تماما ... ودموعي تنزل على البلاط بحراره ... وانا اقول ... يا رب اغفر لها وعاقبني مالها ذنب ......... بكيت وابكيت اللي حولي وانطوت قصة اول واخر ديت
وين .. بمستشفى ... انتهت بفراق احبه .










0
0
0
0








فجأة طلعت لي حبيبتي من وحده من الغرف ... ومعها عبد الخالق الغانم وهي تقول .. اعتقد انا ما قصرت يا الصعب عطيت موضوعك بالمنتدى رزه .. عطني حسابي الله يخليك وخلني ادور مخفه غيرك باحد ها المنتديات بعد اطلع بمواضيعهم ..بلا دراسه بلا قرف .... قمت ونطلت البصله اللي حاطها بمخباتي علشان الدموع الحاره
وقلت لا والله ما قصرتي .. سمي .. خمسين ريال .. باستها ..وتوكلت واقبل علي عبد الخالق حق طاش ... يقول : ( برااااافو براافو) قلت له اخلص كم تبي ؟؟ قال : ( ابي ها اللي بجيبك وسحبه) مكافأتين ودراهم المقاضي .. وقال حبيبي الصعب .. اذا عندك اي نصبه .. اي فكه .. مستعد اخرجها لك .. يا الله فمان الله . قلت سلم لي على ( منافسيني ) ولد القصبي والسدحان وقل لهم يقول لكم الصعب ... الوعد رمضان الجاي .. ان ما خليت العالم يقابلون الانترنت بعد المغرب يشوفون مواضيعي لا تسميني الصعب والحين عن اذنكم ادري الموضوع طويييييييل مره .. بس مسكت بصراحه ( خخخخ ما يهديه الله ويصير عجيب ها ها ها ) .... والحين باي بنصبه جديده ..



تمــــــــــــــت



منقـــــــــــــــــــــــــــــــــــــول